नेपाल मास्क अभियान जनचेतना कार्यक्रम अन्तर्गत प्यूठान नगरपालिकाले मंगलवार तपाइको मास्क खै ? कार्यक्रम सञ्चालन गरेको छ । अभियान अन्तर्गत श्रावण २३-२९ सम्म देशैभर यो कार्यक्रम सञ्चालन भइरहेको छ । विश्वव्यापी महामारीको रुपमा फैलिइरहेको कोभिड-१९ को दोस्रो भेरिएन्टले मानव जीवनलाई अप्ठ्यारोमा पारीरहेको बेला जनचेतनामुकल अभियान चलिरहेको छ  ।

पछील्लो समय कोरोना संक्रमितको संख्या बढ्दो क्रममा रहेकोले देशभरका धेरैजसो जिल्लाहरूमा निषेधाज्ञा जारी गर्ने गरिएको छ । कोरोना संक्रमण फैलन नदिन देशैभर जनचेतनामुलक भइरहेका छन । यसै सन्दर्भमा प्युठान नगरपालिकाको आयोजना र ईलाका प्रहरी कार्यालय बिजुवार, प्युठानको समन्वयमा तपाइको मास्क खै ? कार्यक्रमको आयोजना गरीएको हो ।

“महामारी नियन्त्रण र रोकथाममा मेरो प्रतिबद्धता, मास्क लगाउनुनै हो आजको आवश्यकता ।” म पनि मास्क लगाउछु अरुलाई पनि मास्क लगाउन प्रेरित गर्छु ।”, तपाईको मास्क खै ?, सामाजिक दुरि कायम गरौं । मैले लगाएको मास्कले तपाइको सुरक्षा गर्छ भने, तपाइले लगाएको मास्कले मेरो सुरक्षा गर्छ । लगायतका नारा लेखिएका प्ले-कार्डहरु हात-हातमा लिएर नगर प्रमुख अर्जुन कुमार कक्षपति सहित नगरपालिका कर्मचारी, ईलाका प्रहरी टोलि र्‍यालीमा सहभागी थिए ।