२०७८ असोज ३१जिल्ला स्तरिय समिक्षा कार्यक्रम समिक्षाविनै सकिने गरेको छ । जिल्लाका राजनीतिक दलका प्रमुखहरु, स्थानीय तहका जनप्रतिनिधी र सरोकारवालाको वेवास्ताका कारण समिक्षा कार्यक्रम समिक्षाविनै टुँगिने गरेको हो । हरेक वर्ष जिल्ला समन्वय समिति प्यूठानले जिल्लास्तरिय समिक्षा कार्यक्रमको आयोजना गर्छ ।
जसमा जिल्लाका सवै स्थानीय तह र सरकारी कार्यालयहरुले आर्थिक वर्षभरको प्रगती विवरण प्रस्तुत गर्छन । तर, जिल्लाका राजनीतिक दल, जनप्रतिनिधी र नागरिक समाजका प्रतिनिधीहरु कार्यक्रमको अन्तिमसम्म नवस्दा समिक्षा कार्यक्रम समिक्षा बिनै टुंगिने गरेको हो । शनिवार जिल्ला समन्वय समिति प्यूठानले आ.व. २०७७÷०७८ को वार्षिक समिक्षा कार्यक्रम आयोजना गरेको थियो ।
कार्यक्रमको उद्घाटन लुम्विनी प्रदेशका आर्थिक मामिला तथा सहकारीमन्त्री कृष्णध्वज खड्काले गरेका थिए । उद्घाटन सत्रमा एमाले वाहेक सवैजसो राजनीतिक दलका प्रमुख तथा प्रनिनिधी, केहि स्थानीय तहका प्रमुख÷उपप्रमुख, प्रमुख जिल्ला अधिकारी, सुरक्षा निकायका प्रमुखहरु र पत्रकारको उपस्थिती रहेको थियो । उद्घाटन सकेर मन्त्रि निस्केसंगै उनिहरु सवै निस्किए ।
पहिलो दिन जिल्लाका स्थानीय तहहरुको वार्षिक प्रगति प्रतिवेदन प्रस्तुत भएको थियो भने आईतवार अन्य सरकारी कार्यालयले आफ्नो प्रतिवेदन प्रस्तुत गरेका थिए । अन्तिम दिन सरोकारवाला कोहि उपस्थित नभएपछी सरकारी कार्यालय र गैह्रसरकारी कार्यालयको प्रतिवेदन प्रस्तुत सकिएसंगै कार्यक्रमका अध्यक्ष जिल्ला समन्वय समिति प्रमुख केशवराज आचार्यले कार्यक्रमको समापन गरे । सधैजसो जिल्लाका सरोकारवालाले समिक्षा कार्यक्रमको वेवास्ता गर्ने गरेका छन् ।
