२०७८ कार्तिक १४नेकपा एमाले प्यूठान नगरपालिका नगर कमिटिको प्रथम अधिवेशनबाट निर्वाचित पदाधिकारीहरुको आइतवार बिजुवारमा सपथ ग्रहण कार्यक्रम सम्पन्न भएको छ । अधिवेशनबाट सर्वसम्म निर्वाचित कमिटिलाई नेकपा एमाले लुम्बिनी प्रदेश कमिटि सचिवालय सदस्य तथा प्यूठान क्षेत्र नं. प्रदेश (क) का माननीय, पुर्व शहरी विकास मन्त्री हरी प्रसाद रिजालले सपथ खुवाएका हुन् ।
अधिवेशनबाट टंक बहादुर खड्काको अध्यक्षतामा ७५ सदस्यीय नगर कमिटि निर्वाचित भएका छन् । कमिटिको उपाध्यक्षमा ध्रुर्व जि.सि., सचिव आकाश भण्डारी, सह सचिव दिल बहादुर दसौदी र कमला आचार्य सर्वसम्मत निर्वाचित भएका हुन् ।
कार्यक्रमममा प्रमुख अतिथिको आसनबाट बोल्दै रिजालले नवनिर्वाचित पदाधिकारीहरुलाई शुभकामना मन्तब्य दिदै जुझारु र कर्तव्यनिष्ट भएर लाग्न आग्रह गरे । पद लिनुमात्र ठुलो कुरा नभई पद वहाली पश्चात पार्टीका निमित्त गरीने क्रियाकलापले एमाले शक्तिमान पार्टी बन्ने बताए । कार्यक्रममा नवनिर्वाचित अध्यक्ष खड्काले नगरकमिटिको आगामी रणनिति र प्रतिवद्धता प्रस्तुत गरेका थिए ।
यसअँघी प्यूठान जिल्लाका ९ वटै स्थानीय तह मध्ये गौमुखी गाउँपालिका बाहेक गाउँपालिका सर्वसम्म कमिटी निर्वाचित भएका छन् ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
