यसवर्ष प्यूठानमा सराँय नाचका कार्यक्रम नहुने भएको छ । जिल्ला प्रशासन कार्यालय प्यूठानले बुधवार सुचना जारी गर्दै सराँय नाचका कार्यक्रमहरु नगर्न नगराउन अनुरोध गरेको छ । जिल्ला कोभिड व्यवस्थापन समितिको बैठकको सिफारिसको आधारमा यस अघि जारी भएको निषेधाज्ञा सम्बन्धी आदेशका केहिँ विषयहरुलाई निरन्तरता दिदै यस्तो निर्णय भएको हो ।

जारी गरीएको सुचना अनुसार देउसी भैलो कार्यक्रम गर्दा स्वास्थ्य सुरक्षाका मापदण्ड पालना गर्दै बेलुकी ८ बजेसम्म मात्र गर्न सकिनेछ । प्रशासनले चाडपर्वको अवसरमा पटका, अतिसवाजीजन्य प्रज्वलनशिल विष्फोटक पदार्थहरुको निकासी, पैठारी, ओसारपसार, विक्रि वितरण तथा प्रयोग नर्गन समेत अपिल गरेको छ । सुचनाको वर्खिलाप हुने गरी कार्य गरे गराएको पाइएमा प्रचलित कानुन बमोजिम कारवाही हुने बताइएको छ ।

कोचिड संक्रमणको रोकथाम, नियन्त्रण, निदान र उपचार सम्बन्धमा (मन्त्रीपरिषद) को निर्णय, कोभिड–१९ व्यवस्थापन निर्देशन समिति ९ऋऋःऋ० को स्मार्ट–लकडाउन सम्बन्धी कार्यविधि २०७८ बमोजिम बुधवार बसेको सर्वदलिय सर्वपक्षिय बैठकको निर्णय अनुसार प्रशासनले सुचना जारी गरेको हो l