बुधवारबाट कर सप्ताह सुरु हुने भएको छ। नेपालमा मूल्य अभिवृद्धि कर सुरु गरेको अवसरमा पछील्लो ९ वर्षदेखि हरेक वर्ष मंसिर १ गते कर दिवस मनाउने गरिएको हो । यो वर्ष ‘स्वेच्छिक कर सहभागितामा अभिबृद्धि : सुशासन विकास र समृद्धी” नारा दिएर दशौ कर दिवस मनाउन लागिएको करदाता सेवा कार्यालय चकचकेका कर अधिकृत हुर्मत मिजारले जानकारी दिए ।
नेपालमा २०५४ साल मंसिर १ गतेबाट मूल्य अभिवृद्धि कर कार्यान्वयनमा ल्याइएको उनले बताए । २०६९ कात्तिक २ गतेको मन्त्रिपरिषदको बैठकले हरेक वर्ष मंसिर १ गते कर दिवस मनाउने निर्णय गरेअनुरुप नै यो दिवस मनाउन लागिएको हो।
प्युठानमा रोल्पा र प्यूठान कार्यक्षेत्र रहेको करदाता सेवा कार्यालयले साप्ताहिक रुपमा विविध कार्य गर्ने तयारी भइरहेको कर अधिकृत मिजारले झुलेनी पोष्टलाइ बताए ।
उनका अनुसार कार्यालयले दशौ कर दिवसको अवसरमा मूल्य अभिवृद्धि कर, आयकर लगायतमा सबैभन्दा धेरै योगदान गर्ने व्यक्ति तथा संस्थालाई बुधवार दिउँसो स्वर्गद्वारी नगरपालिका भिंगृमा एक कार्यक्रमको आयोजना गरी सम्मान गर्ने तयारी भइरहेको छ ।
