झुलेनी नेटवर्क२०७९ वैशाख २६,सोमवार प्यूठान
२०७९ वैशाख २६,सोमवार प्यूठानआज देखी चार दिन सम्मका लागि जिल्ला प्रशासन कार्यालय प्यूठानबाट दिईने सम्पूर्ण सेवा वन्द भएको छ ।
आसन्न वैशाख ३० गते हुने स्थानिय तहको निर्वाचनका लागि कार्यालयमा कार्यरत कर्मचारीहरु निर्वाचनका लागि खटिएकाले प्रशासनबाट प्रवाह गरिने सेवा आज सोमबार देखी ३० गतेसम्मका लागी वन्द गरिएको जिल्ला प्रशासन कार्यालय प्यूठानले जनाएको छ ।
प्रशासनले आईतबार एक सुचना जारी गर्दै प्रशासनबाट दिइने सेवा वन्द गरिएको जनाएको हो । प्रशासनका अनुसार कार्यालयबाट प्रदान गरिने अत्यावस्यक सेवा, शान्ती सुरक्षा, मुद्दा,थुनछेक आदेश बाहेकका सम्पुर्ण सेवा प्रवाह स्थगित गरिएको छ ।
त्यस्तै जिल्लाका स्थानिय तहबाट दिइने सेवा प्रवाह पनि वन्द गरिएको गाउँ तथा नगरपालिकाको कार्यालयले जनाएको छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
