![](https://jhulenipost.com/wp-content/uploads/2024/01/Untitled-2.gif)
![](https://jhulenipost.com/wp-content/uploads/2023/11/English-add-1.gif)
![](https://jhulenipost.com/wp-content/uploads/2022/06/285054388_696889258248669_6999248148846329865_n-889x400.jpg)
नयां शैक्षिक शत्र सुरु भएको यतिका दिन भइसक्दा समेत विद्यार्थीको हातहातमा पुस्तक नपुग्दा जिल्लाभरमै नियमित पठनपाठनमा समस्या भएको छ ।
नफेरिएका केहि कक्षाका पुस्तक जिल्लामा भित्रीए पनि फेरिएका नयाँ पुस्तक नभएकाले जिल्लाको पठनपाठनमा समस्या भएको शिक्षा विकास तथा समन्वय इकाई प्यूठानका प्रमुख शिव पण्डितले जानकारी दिए । जिल्लाको मल्लरानी, झिमरुक गाउँपालिका र प्यूठान नगरपालिका अन्तर्गतका विद्यालयहरुले केहि मात्रा पुस्तक खरिद गरेर विद्यार्थीलाई वितरण गर्न थालेको जानकारी दिए । नयाँ शैक्षिक शत्र सुरु भएसँगै जिल्लाका अधिकांश विद्यालयमा जेठको पहिलो साताबाट पठनपाठन सुरु गरेका थिए । तर, पर्याप्त पुस्तक नहुँदा पढाउन समस्या आएको शिक्षकहरूले समेत गुनासो गर्दै आएका छन् ।
पछिल्लो २ वर्ष कोरोना महामारीका कारण शैक्षिक क्यालेन्डर खलबलिएको छ । यो वर्ष पनि ढिला सुरु भएको शैक्षिक सत्रमा विषयगत पुस्तक पर्याप्त उपलब्ध नहुँदा सिकाइमा प्रभाव पर्ने शिक्षकहरुको गुनासो छ । सरकारले कक्षा ४, ७ र ९ मा नयाँ पाठ्यक्रम लागू गरेको छ । जिल्लामा आवश्यकमध्ये हालसम्म ३० प्रतिशत मात्र पुस्तक आइपुगेको पुस्तक व्यवसायीहरू बताउँछन् । प्यूठान जिल्लामा ३ सय ९८ सामुदायिक र ४६ संस्थागत विद्यालय छन् । यी विद्यालयहरुमा भन्डै ५९ हजार विद्यार्थी छन् ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
![](https://jhulenipost.com/wp-content/uploads/2023/11/English-add.gif)
![](https://jhulenipost.com/wp-content/uploads/2024/01/Untitled-2.gif)