आज रातभर परेको अविरल बर्षाका कारण झिंमरुक नदिको बहाब बढेको छ । यसले गर्दा नदि आसपासका खेतहरु नदिले कटान गरेको छ । नदिको बहाब बढेपछि प्यूठान नगरपालिका ४ बिजुवार खेलमैदान नजिकै प्रतिक्षालय अासपासमा लगाइएको तटबन्धन भत्काएको छ । यो ठाउँबाट नदि प्यूठान नगरपालिका वरीपरिको बस्तीमा पस्ने खतरा बढेको स्थानीय गोबिन्द कार्कीले बताए । नदिले कटान गरेर तटबन्धन भत्काएको क्षेत्रमा समयमै मर्मत गर्न स्थानीयले सरोकारवाला निकायसंग माग गरेका छन् ।
रातभर परेको अविरल पानीका कारण रातीदेखि रोल्पा प्यूठान प्रवेस गर्ने मुख्य सडक भालुबा—प्यूठान सडक अवरुद्ध भएको छ । यो सडक अन्तर्गत खहरे, बडडाँडा ओरालो, देविस्थान लगायत स्थानमा पहरो गएका छन् । पहरो ह्टायएर सडक खुलाउने कार्य कार्यजारी रहेको जिल्ला प्रहरी कार्यालय प्यूठानका प्रहरी प्रमुख सत्यनारायण थापाले झुलेनी नेटवर्कलाई जानकारी दिए । यस्तै विभिन्न स्थानमा गएको पहिरोका कारण बाग्दुला–मच्छि सडक खन्ड पनि अवरुद्ध छ । जिल्लाका धेरैजसो ग्रामिण सडकहरु समेत अवरुद्ध भएका छन् ।