झुलेनी नेटवर्क२०७९ असार १५, प्यूठान
२०७९ असार १५, प्यूठानसरुमारानी गाउँपालिका वडा नं.५ ढुङ्गेगढीले किशोरीहरुका लागि महिनावारी तथा स्वच्छता व्यवस्थापन सम्बन्धी अभिमुखीकरण कार्यक्रम गरेको छ । ढुङ्गेगढी स्वास्थ्यचौकीको प्राविधीक सहयोग र सरुमारानी गाउँपालिका वडा नं.५ को आयोजनामा तालिम संचालन गरिएको हो ।
किशोरीहरुलाई महिनावारी स्वास्थ्य र सरसफाईबारे सचेत बनाउने उद्देश्यसहित तालिमको आयोजना गरेको वडा कार्यालयले जनाएको छ । ढुङ्गेगढी स्वास्थ्यचौकीमा कार्यरत अहेब बिनोद कुमार खड्का र अनमी जुना क्षेत्रीले तालिममा प्रशिक्षण गराएका हुन ।
तालिममा भिमसेन मावी जस्पुरमा कक्षा ७,८,९ र १०मा अध्यनरत ५४ जना किशोरीकोे सहभागिता रहेको थियो । वडा कार्यलयका प्राविधीक प्रमुख जितेन्द्र सुनार, मात्रिका सुनार र बिक्रम प्रसाद श्रेष्ठको आथित्यतामा कार्याक्रमको आज समापन भएको छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
