उद्यम विकास विज्ञ ईश्वरा आचार्यले स्थानिय उत्पादनलाई वृद्धि गर्दै प्रोत्साहन दिनुपर्ने बताएकी छन ।

जिल्लामा विगत १५ वर्ष भन्दा अगाडी देखी उद्यम विकासका क्षेत्रमा तालिम तथा प्रशिक्षण दिँदै आएकि आचार्यले घरेलु तथा साना उद्योग कार्यालय प्यूठानले होटेल आयुष्मा जुर्मीमा आयोजना गरेको उद्यमीलाई व्यावसायिक योजना तयारी तथा ऋण प्राप्ती प्रकृया सम्बन्धी एक दिने अभिमुखीकरण गोष्ठीमा यस्तो बताएकि हुन ।

प्यूठान जिल्लाको सन्दर्भमा हेर्दा स्थानिय स्रोतसाधनको प्रयोग गरि कृषकहरुले विभिन्न वस्तुहरु उत्पादन गरेता पनि त्यसको प्रयोजन जिल्ला बाहिर हुने बताइन् । उनले स्थानिय स्तरमा उत्पादित वस्तुहरुले जिल्लामा बजार पाउने हो भने त्यसबाट लाखौको आम्दानी हुने बताइन। त्यस्तै घरेलु तथा साना उद्योग कार्यालय प्यूठानका उद्योग अधिकृत खेमबहादुर थापाले उद्योग व्यवसाय दर्ता प्रकृया सम्बन्धी प्रस्तुतीकरण दिएका थिए ।

त्यस्तै उद्यमीलाई ऋण प्राप्ती प्रकृया सम्बन्धी प्रस्तुतीकरण नेपाल बैँक लिमिटेड विजुवार शाखाका प्रवन्धक निरज भटराईले दिएका हुन । उनले कृषकहरुले कर्जा लिने क्रममा आफुले के व्यवसाय गर्ने हो त्यसको पुर्णमात्रामा ज्ञान हासिल गरेर मात्र बैंकबाट कर्जा लिन आग्रह गरेका हुन। कृषकको सफलतामा बैंकको समेत सफलता हासिल हुने भएकाले कृषकले व्यावसायिक योजना मात्र नबनाई व्यावसायमा पुर्ण मात्रामा तालिम सिप हासिल गरेर मात्र बैँकबाट कर्जा लिएमा व्यवसायमा सफलता प्राप्त गर्ने बताए ।