मल्लरानी गाउँपालिकाले दोश्रो गाउँसभाको प्रथम अधिवेशनको चौथो बैठकले पालिका कर्मचारीलाई सम्मान गरेको छ । पालिकाले प्रमुख प्रशासकिय अधिकृत बालकृष्ण थापा र लेखाअधिकृत कमान सिंह के.सी.लाई मल्लरानी गाउँपालिकाको शुन्य बेरुजु हुनुमा उनीहरुको प्रशंसा स्वरुप दोसल्ला र प्रमाण पत्रले सम्मान गरेको हो ।

मल्लरानी गाउँपालिका अध्यक्ष कृष्ण बहादुर खड्काले बुधबार महालेखा परिक्षकको कार्यालयले सार्वजनिक गरेको वार्षिकप्रतिवेदन अनुसार मल्लरानी गाउँपालिकाको सुशासन र पारर्दशिता पूर्ण रुपमा कायम रहेको भन्दै कर्मचारी तथा पूर्वजनप्रतिनिधीहरुलाई धन्यावाद गरेका छन् ।

त्यस्तै शुसासान र पारर्दशिताको सवालमा कुनै संझौता नगरि गाउँवासीहरुलाई निरन्तर सेवा प्रदान गर्ने मल्लरानी गाउँपालिका उपाध्यक्ष रमेश श्रेष्ठले प्रतिवद्धता जनाएका छन् । गाउँपालिका स्तरिय अनुगमन समितिका संयोजक समेत रहेका श्रेष्ठले योजनाहरुको घ चरणमा अनुगमन गर्दै गुणस्तरीय काम गरि पालिकाको समग्र विकासमा जोड दिने बताए ।