२०७९ साउन २४, प्यूठानतिहारलाइ लक्षित गरि प्यूठान नगरपालिका २ जुम्रीमा मखमली र सयपत्री फुल रोपीएको छ । सौन्दर्य पुष्प कृषि नर्सरी जुम्रीमा फुलको बेर्ना रोपिएको हो ।
जुर्मीमा दुई दिदि बहिनीले संयूक्त लगानीमा सौन्दर्य पुष्प कृषि नर्सरी सञ्चालन गरेका छन् । ४ रोपनी जग्गामा करिब ६ हजार फुलका वेर्ना रोपिएको नर्सरी संचालक राधा अधिकारीले बताईन् ।
प्यूठान नगरपालिका ४ की राधा अधिकारी र रेखा खत्रीले संयूक्त रुपमा व्यवसायिक पुष्प तथा तरकारी खेती गर्दै आइरहेका छन् ।
‘जिल्लामा फुलका वेर्ना उत्पादन नहुने भएपछि चितवनको एक नर्सरीबाट फुलका वेर्ना मागगरि विरुवा रोपेका हौ’, पुष्प व्यवसायि राधा अधिकारीले भनिन्,‘विगतका वर्षहरुमा राम्रो कमाइ भएपछि यस वर्ष समयमै फुल रोपेका छौ ।’ आफ्नै जिल्लामा केही नयाँ व्यवसायिक काम गर्नुपर्छ भन्ने उद्देश्यले पुष्प खेती सुरु गरेको उनले बताईन् ।
पुष्प तथा नर्सरी खेतीका लागि काठमाण्डौ स्थित गोदावरीमा १० दिनको तालिम लिएको उनले बताइन् । नर्सरीमा उनीहरुले अन्य दुई जनालाइ रोजगारी समेत प्रदान गरेका छन् । नर्सरीमा बाह्रैमास तरकारीका बेर्ना समेत उत्पादन गर्दै आएका छन् । पुष्प तथा तरकारी खेतीका लागि ८ रोपनी जग्गा भाडामा लिएका छन् ।
५ वर्षअघि घरेलु तथा साना उद्योग कार्यालय प्यूठानमा व्यवसाय दर्ता गरि प्यूठान नगरपालिका ४ की राधा अधिकारी र रेखा खत्रीले पुष्प तथा तरकारी खेति गर्न थालेका हुन् ।
