खेतवारीमा खाद्यान तथा तरकारी उत्पादनका लागि आवश्यक पर्ने युरिया मल जहाँतही नपाईदा किसानले समस्या भोगिरहेका छन् । जिल्लामा मलको अभाव भएसगैँ एकीकृत कृषि तथा पशुपन्छी विकास कार्यालय प्यूठानले स्थानीय तहको मातहतमा रहने गरि सहकारी संस्थाहरुलाई मल वितरण गर्ने जिम्मा दिदाँ पनि मल पाउन सहज भएको छैन् ।

प्रत्येक स्थानीय तहहरुले आफ्नो मातहतमा रहनेगरि सहकारी संस्थाहरुलाई मल वितरण गर्ने जिम्मा दिएसगँै सहकारी संस्थाहरुले किसानलाई नागरिकताकाको आधारमा मल वितरण गरिरहेका छन् ।

स्थाीनय तहहरुले भौगोलिक क्षेत्रको पहिचान नगरि मल वितरण गर्ने जिम्मा दिदाँ नागरिकले सास्ती भोग्नु परेको गुनासो गरेका छन् । ५÷७ किलो मल किन्नको लागि पालिकाले तोकेकै इजाजत प्राप्त सहकारीमा पुग्नु पर्ने हुदाँ नजिकका किसानहरु मर्कामा परेका हुन् ।

जनता सहकारी संस्था विजुवारले स्थानीय तहहरुले किसानलाई पाइभेग पर्ने सहकारी संस्थाबाट मल किन्ने व्यवस्था मिलाउनका लागि सम्बन्धीत निकायसगँ छलफल गर्ने तयारि भईरहेको जनाएको छ ।

सरकारी अनुदानबाट प्राप्त १सय५७ मेट्रिक टन युरिया मल मध्ये १सय४७ टन मल जिल्लामा आइपुगेको एकीकृत कृषि तथा पशुपन्छी विकास कार्यालय प्यूठानले जनाएको छ ।

कार्यालयका अनुसार स्थानीय तहले भौगोलिक क्षेत्रको पहिचान नगरि मल वितरण गर्दा किसानले सास्ती भोग्नु परेपनि जिल्लामा अहिले मल प्राप्त मात्रामा रहेको छ ।