स्थानीय स्तरमा अल्लो सहज रुपले पाइने भएपछि स्याउलीवाङका महिलाहरु अल्लोको कपडा बुन्न ब्यस्त भएका छन् । अल्लोबाट बनेका कपडा, झोला र सामाग्री लैजान स्याउलीवाङमा आउने पाहुँनाहरु खुशी हुने, जिल्ला तथा जिल्ला बाहिर देश, विदेशमा पनि ब्यापार भइरहेको छ ।

पहिले पहिले अल्लाको कपडा पाहुनालाई कोसेली दिने गर्दथे । आज भोली अल्लोका सामाग्रीहरु जिल्लाको खलगांमा माग अनुसार ल्याइ पु¥याउने गरेका छन् । अल्लोबाट बनेका कोट, झोला, टोपी, मोबाईल पर्स, समेत स्थानीय स्तरमै बुन्न सकिने भए पछि आफुहरुको आम्दानीको श्रोत बन्न थालेको अल्लो प्रशोधन केन्द्र स्याउलीवाङकी काली वुढाले बताईन ।

गाविसबाट तालिममात्र
जिल्लामा करोडौँ रकमको अल्लो उत्पादन गर्न सकिने भए पनि प्रबिधिको अभाव भएको उद्यमीहरु बताउछन् ।
स्थानिय तहहरु वन्नुपुर्व गा.वि.स.बाट महिलाहरुको बजेटबाट विनियोजनमा पटक पटक आधुनिक प्रविधी खरिदको माग गरेपनि प्रशोधन तालिम बाहेक अन्य शिर्षकमा बजेट नछुट्याइदिँदा समस्यामा परेको उनिहरुको भनाई छ ।

धागोको माग बढ्यो
पछिल्लो समयमा जिल्लाबाट उत्पादन हुने अल्लोको माग बढ्दै गएको छ ।
आ.व. ०७१/०७२ मा २ हजार ७ सय ९५ किलोग्राम धागोको निर्यात गरिएकोमा गत बर्षमात्रै ३ हजार ३ सय ५ किलोग्राम अल्लो निर्यात गरिएको घरेलु तथा साना उद्योग विकास समिति प्यूठानका प्रमुखले जानकारी दिए ।
अल्लाको धागो नेपालको प्रमुख सहर काठमाण्डौ र बुटवलमा ६ सय देखि ७ सय प्रति किलोग्रामले बार्षिक करिव २३ लाख रुपैया बरावरको धागो विक्रि गरेका छन् ।
जिल्लाको अर्खा, रजवारा, लुङ र ओखरकोटका जंगलमा पनि अल्लो पाइने भए पनि प्रयोग विहिन बनेको छ । स्याउलीबाङमा भने अल्लो (सिस्नो) प्रत्येक बर्षको माघ १० बाट फुकाउने गरेको उनिहरु बताउछन् ।

महोत्सव देखि विदेशसम्म प्यूठानको अल्लो
उद्यमीहरूले संकलन गरेको अल्लोको प्रशोधित धागो अन्तर्रा्ष्ट्रिय बजारसम्म पुगेको छ ।
स्थानीय बजारभन्दा देशका ठुला उद्योग ब्यापार मेलामा माग बढिरहेको कोठी हिमाल अल्लो उद्योगकी सञ्चालक तथा राष्ट्रिय अल्लो संघका केन्द्रीय पूर्व अध्यक्ष चित्रकली बुढामगरले बताइन् । ‘ थाइल्यान्ड, मलेसिया, साउदी, कतार, अस्ट्रेलिया, इजरायल र सिंगापुर लगायतका देशहरूमा अल्लोको प्रशोधित धागो काठमाण्डौबाट निर्यात भए पनि आफुहरुले जापानमा ब्यापार बढाउन पहल गरिरहेका छौँ । ’ चित्रकली बुढामगरले भनिन् । उद्योगमा १९ जना महिला एद्यमी ी रहेका छन् भने मासिक ४ लाख बरावरको कारोबार गरेको बुढाको भनाई छ ।

अल्लोको धागो वनाउदै स्थानिय महिला

अल्लोको धागोवाट कपडा वुन्दै स्थानिय महिला