बैंक तथा बित्तिय संस्थाबाट भएको व्याजदर बृद्धि तथा नेपाल राष्ट्र बैंकद्धारा जारि चालु पुँजी कर्जा निर्देशिकाको बिरोध आज प्यूठानमा पनि गरिएको छ । नेपाल उद्योग बाणिज्य महासंघ लुम्बिनी प्रदेशको निर्देशन तथा प्यूठान उद्योग बाणिज्य सघंको आयोजना अनुसार सो कार्यक्रम प्यूठानको बिजुवार, बाग्दुला, जुम्रि, क्वाडि लगायतका स्थानमा गरिएको हो । सो बिरोध कार्यक्रम यहि पुष १५ देखी २२ गतेसम्म निरन्तर रहने भएको छ । राष्ट्र बैंकले जारी गरेको निर्देशिका र बैंकहरुले व्यवसायिहरु प्रति गरेको अव्यवहारीक नितिका बिरुद्ध बिरोध कार्यक्रम गरिएको हो ।

आज १५ गते प्रत्येक उद्योग बाणिज्य संघले सेतो कपडामा हस्ताक्षर गरि नेपाल सरकार र राष्ट्र बैंकमा बुझाउने हस्ताक्षर गरेको छ ।  त्यस्तै १७ गते उद्योग बाणिज्य संघले कालो पट्टि बाधेर बिरोध प्रदशन गर्ने, १८ गते सबै उद्योग बाणिज्य महासंघले जनप्रतिनिधि र सबै बैंकका प्रमुखहरु राखेर व्यवसायिक बाताबरण नभएसम्मका लागि व्यवसायिहरुलाई आतंकित नबनाउनको निम्ति छलफल गर्ने, १९ गते राष्ट्र बैंक तथा बैंक नभएको ठाउँमा जिल्ला प्रशासन अगाडी कालो पट्टि बाँधेर २ घण्टा धर्ना बस्ने र २० गते सबै प्रदेशका उद्योग बाणिज्य सघं सँग समन्वय गरेर काठमाण्डौँको कार्यक्रम तय गर्ने तथा २२ गते काठमाण्डौमा आन्दोलन गर्ने जनाएको छ ।