२०७९ सालको स्थानिय तहको निर्वाचन पश्चात निर्वाचित युवा जनप्रतिनीधीहरु पुराना जनप्रतिनिधी भन्दा फरक शैलीमा प्रस्तुत भएका छन् । समाजका विभिन्न क्षेत्रमा पिछडिएका नागरिकको घरदैलोमा होस् वा बालबालिकाको मुहारमा खुसी ल्याउन्, नागरिकका समस्या देख्ने बित्तिकै तत्काल समाधान गर्न तर्फ लागिपरेका छन् । सोही अनुसार प्यूठान नगरपालिका वडा नं.३ का वडा अध्यक्ष सुमनराज श्रेष्ठले विपन्न बालबालिकालाई शैक्षिक सामाग्री उपलब्ध गराउनु भएको छ । प्यूठान नगरपालिका वडा नं.३ बिजयनगरस्थित शारदा आधारभुत विद्यालयमा अध्यनरत् बालबालिकालाई शैक्षिक सामाग्री उपलब्ध गराएका हुन् ।

अध्यक्ष श्रेष्ठको पहलमा विपन्न बालबालिकालाई जुत्ता, मोजा, झोला, पोषाक लगाएत आवश्यक शैक्षिक सामाग्री उपलब्ध गराएको हो । गरिबीबाट ग्रसित भएका र पढ्नका निम्ति शैक्षिक सामाग्री नहुँदा पढ्न नपाउने अवस्था नहुँने भन्दै सहयोग गरेको अध्यक्ष श्रेष्ठको भनाई छ । यति मात्र होईन श्रेष्ठले निर्वाचित भए पश्चात नागरिकका आधारभुत आवश्यकता वस्तीस्तरमा खानेपानी , यातायात लगाएतका कार्यहरुलाई पनि निरन्तरता दिइरहेका छन ।

समाजमा जनताले खोजेको र रोजेको जनप्रतिनिधी पाउँदा स्थानिय खुसी छन् । त्यस्तै शारदा आधारभुत विद्यालयबाट २६ जनाको नाम पठाइएकोमा हाललाई २ जनाको नाम मात्र सिफारिस भएको प्रधानाध्यापक गेहराज अधिकारीले बताए । त्यस स्कुलबाट प्रत्येक बर्षको एकपटक जेहेन्दार विद्यार्थीबाट छनोटको आधारमा एकजनालाई शैक्षिक सामाग्री दिदै आएको पनि उनले बताए । त्यस्ता अति विपन्न विद्यार्थीलाई स्कुलमा पढाई हुने टिउसन कक्षा समेत आफुहरुले निशुल्क गरिएको बताएका छन् ।