![](https://jhulenipost.com/wp-content/uploads/2024/01/Untitled-2.gif)
![](https://jhulenipost.com/wp-content/uploads/2023/11/English-add-1.gif)
![](https://jhulenipost.com/wp-content/uploads/2023/01/26-866x400.jpg)
पशुपालक किसानहरुको समस्याहरुको बारेमा नगरपालिका सधै तत्पर रहेर लाग्ने प्यूठान नगरपालिका प्रमुख बिष्णु बहादुर योगिले बताए । नगरपालिका भित्र रहेका वास्तविक किसानहरुको पहिचान गरेर सौलियत पूर्ण कर्जा उपलब्ध गराउने भन्दै प्यूठान नगरपालिका पशुसेव शाखाको आयोजनामा मगंलबार सम्पन्न भएको कार्यक्रममा उनले यस्तो बताएका हुन् । नगर उपप्रमुख देवेन्द्र बर्माले किसानहरुको लागि भनेर उत्पादनमा आधारित अनुदान कार्यक्रम समेत सञ्चालन गर्ने बताएका छन् । तालिममा सहभागिहरुलाई पशु स्वास्थ्य, पशु व्यवस्था, पशु आहारा र पशुमा लाग्ने सामान्य रोगहरुको बारेमा जानकारी गराइएको थियो । पशुपंछिहरुको लागि व्यवस्थित खोर बनाउने लगायतका कुरामा छलफल भएको हो ।
नगरपालिका पशु सेवा शाखा प्रमुख गिरिराज पौडेलले नगरपालिकाको चालु आर्थिक बर्ष २०७९र८० मा सञ्चालन गर्ने कार्यक्रमको बारेमा जानकारी गराउनुभएको थियो । त्यस अवसरमा उहाँले आगामी दिनमा पशुपालनलाई कसरी अगाडी बढाउने र किसानहरुको आवश्यकताको आधारमा कार्यक्रम ल्याउने जानकारी गराएका हुन् । त्यस्तै उनले वास्तविक किसान को हो त भनि पहिचान गरेर उनिहरुको मागको आधारमा समेत कार्यक्रम सञ्चालनमा ल्याउने बताए । २४ गते देखी सुरु भएको ३ दिनको तालिम आज फुलबारी बिजय लक्ष्मी सहकारी संस्थाको सभाहलमा सम्पन्न भएको थियो । तालिममा प्यूठान नगरपालिका भित्र रहेका १० वटै वडाका २४ जना कृषकहरुको सहभागिता रहेको थियो । तालिमबाट आफुहरु प्रभावकारी भएको बताउदै उत्पादनमा आधारित अनुुदान कार्यक्रम सञ्चालन गर्न सहभागिहरुले माग गरेका छन् ।
२४ गते प्यूठान नगरपालिका वडा ३ का अध्यक्ष सुमनराज श्रेष्ठ तथा २६ गते नगर प्रमुख बिष्णु बहादुर योगिको अध्यक्षमा सुरु भएको कार्यक्रमको प्रमुख अतिथि नगर उपप्रमुख देबेन्द्र बर्मा रहेका थिए । कार्यक्रममा प्यूठान नगरपालिका पशु शाखा प्रमुख गिरिराज पौडेल, पशु चिकित्सक शर्मिला शर्मा, अधिकृत माधवा रिजाल लगायत अन्य प्राविधिक टोलिहरुको सहभागिता रहेको थियो ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
![](https://jhulenipost.com/wp-content/uploads/2023/11/English-add.gif)
![](https://jhulenipost.com/wp-content/uploads/2024/01/Untitled-2.gif)