२७ पुष २०७९प्यूठान नगरपालिका नगर प्रमुख विष्णु बहादुर योगीले प्यूठान नगरपालिकालाई समृद्ध नगरपालिका र सुखी नगरबासी बनाउने योजना बनाएको बताए । नगरपालिकाको चौथो हिउदे नगर सभामा विभिन्न शिर्षकमा उठेका सवालको जवाफ दिने क्रममा उनले यस्तो बताएका हुन् । त्यस्तै उनले नगरपालिका भित्र रहेका करार कर्मचारीहरुको म्याद थप समेत गरेको बताएका छन् । प्यूठान नगरपालिकाको चौथो हिउदे नगर सभा कार्यक्रम बुधबार सम्पन्न भएको छ । प्यूठान नगरपालिकाको आयोजनामा प्यूठान नगरपालिकाको सभाहल बिजुवार प्यूठानमा कार्यक्रम सम्पन भएको हो । सभामा नगर उपप्रमुख देबेन्द्र वर्माले नगरपालिकाले नागरिकका आधारभुत आवाश्यकताका विषयहरु शिक्षा, स्वास्थ्य, कृषि, खानेपानी, बाटो लगाएत विभिन्न शिर्षकमा छुट्याएको बजेट प्रस्तुत गरेका थिए ।
सभामा सहभागीहरुले कृषि हाटबजारका रुपमा निमार्ण गरिएको भवनलाई प्रयोगमा ल्याउने तथा व्यवस्थापन गर्नुपर्ने, कृषि एम्वुलेन्स खरिद , व्यवस्थीत बसपार्क निमार्ण, भित्रीकोट र गाजुरीलाई पर्यटन प्रवद्धनमा जोड दिनुपर्ने, अति विपन्न नागरिकलाई आवासको निमार्ण गरिदिनुपर्ने लगाएतका कुरामा नगरपालिकाले विषेश ध्यान दिन जरुरी रहेका बताएका थिए ।
त्यस्तै नगरपालिकाले दिर्घरोगीहरुलाई स्वास्थ्य उपचार खर्च उपलब्ध गराउने योजना कायान्वय नगरेको भन्दै त्यसलाई कार्यान्वय गर्नुपर्ने माग गरेका छन् । प्यूठान नगरपालिकाका प्रमुख विष्णु बहादुर योगीको अध्यक्षता, नगरपालिकाका प्रमुख प्रशासकिय अधिकृत महेस कुमार गुरुङ, वडाका वडा अध्यक्ष, सदस्य, कर्मचारीहरु लगायतको उपस्थिती रहेको थियो ।
