उद्योग वाणिज्य संघ प्यूठानले भालुवाङ–प्यूठान–रोल्पा सडक खण्ड सुधार तथा मर्मतका लागि ध्यानार्कषण पत्र बुझाएको छ ।
भालुवाङ–प्यूठान–रोल्पा सडक खण्डको बागासोतीमा ओटासिल सडक भत्किँदा लामो समयदेखि असहज भएको र भिंगृ–स्वर्गद्वारी सडक खण्ड रुमालेस्थित डाँडाखर्कमा पहिरो जाँदा आवतजावतमा समस्या भएको भन्दै उद्योग वाणिज्य संघका अध्यक्ष पशुपति नारायण नकर्मी, कार्यकारी निर्देशक प्रकास खनाल लगाएतले शुक्रबार प्रमुख जिल्ला अधिकारी सुनिता नेपालमार्फत सडक डिभिजन कार्यलय जस्पुर प्यूठान सहित, सरोकारवाला निकायलाई ध्यानार्कषण गराएका हुन् । सडक समयमा मर्मत नहुदा यात्रुहरुले जोखिम मोलेर यात्रा गर्न बाध्य छन् ।