प्यूठानमा चोरीका घटनामा संग्लन व्यक्तिहरु अझै पत्ता लागेका छैनन् । जिल्लाको स्वर्गद्धारी, गौमुखी, झिमरुक, नौबहिनी गाउँपालिका लगायतका स्थानमा भएको चोरीका घटनामा संग्लन व्यक्तिहरु पत्ता नलागेका हुन् । जिल्ला प्रहरी कार्यालय प्यूठानका अनुसार जिल्लाका विभिन्न स्थानमा घर, विद्यालय, पसल, स्वाथ्यचौकी, वडा कार्यालय, सहकारी तोडफोड तथा चोरी हुदाँ लाखौ नगद रकम, सहित सुन, चाँदी लगायतका सामानहरु चोरी भएको छ ।

साथै विभिन्न सरकारी तथा गैरसरकारी संघसंस्थाहरुमा भएको तोडफोड तथा चोरीबाट क्षती विवरण संकलन गर्ने काम भईरहेको र चोरीमा संग्लनहरुको खोजी तथा आवाश्यक अनुसन्धान भईरहेको प्रहरीले जनाएको छ । प्रहरीले एक हप्ता वितिसक्दा समेत चोर पत्ता नलगाउँदा स्थानीयहरुले असुरक्षित महसुस गरेका छन् ।