प्यूठानमा माद्यामिक विद्यालय संचालनका लागि आर्थिक संकलन अभियान थालिएको छ । जिल्लाको झिमरुक गाउँपालिका वडा नं.७ कुता स्थित सिता आधारभुत विद्यालयलाई माद्यामिक तह, कक्षा ९ र १०सम्म संचालन गर्नका लागि आर्थिक संकलन अभियान थालिएको वडा सदस्य तुल बहादुर पछाई क्षेत्रीले जानकारी दिए ।
२०१८ सालमा स्थापना भएको विद्यालयमा कक्षा ८ सम्म पढाई हुदै आएको छ । आगामी शैक्षिक शत्रदेखी कक्षा ९र१० सम्म पढाई संचालन गर्ने उद्देश्यले अहिलेदेखीनै आर्थिक संकलन अभियान थालिएको उनले बताए ।
गाउँमै माद्यामिक तहसम्मको पढाई नहुदा विद्यार्थीहरुलाई समस्या भएको थियो । हाल विद्यार्थीहरु कक्षा ९र१० पढ्नको लागि करिब दुई घण्टाको बाटो हिडेर सत्य मावी तुसारा जान बाध्य छन् । विद्यार्थीहरुमा सहज शिक्षाको पहुचँ पुर्याउने उद्देश्यले अभिभावक र विद्यार्थीहरुको मागलाई मध्यनजर गर्दै आधारभुत तहबाट माद्यामिक तहसम्म संचालन गर्न थालिएको प्राध्यानाध्यापक त्रीभुवन कवरले बताएका छन् । हाल सम्म स्थानीयवासी र अन्य सहयोगी दाताहरुबाट करिब ३ लाख बराबरको रकम संकलन भईसकेको सदस्य पछाईले  बताए ।  झिमरुक गाउँपालिका वडा नं.७ कुता क्षेत्रका करिब ३सय३६जना विद्यार्थीहरु सिता आधारभुत विद्यालयमा अध्ययनरत् छन् ।