२०७९ माघ १०प्यूठानमा बस्तीस्तरबाटै सामाजिक सुरक्षा भत्ता वितरण गर्न थालिएको छ । जिल्लाको माण्डवी गाउँपालिकामा वस्तीस्तरबाट भत्ता वितरण गर्न थालिएको हो ।
बृद्व, बृद्वा, अपाङ तथा असहाय व्यक्तिहरुले प्राप्त गर्र्दै आइरहेको भत्ता बैंक सम्म पुगेर लिन असहज भएको भन्दै गुनासो गरेपछि वस्तीस्तरबाट भत्ता वितरण गर्न थालिएको माण्डवी गाउँपालिका वडा नं.२ का वडा अध्यक्ष प्रकाश वलीले जानकारी दिए ।
उनले भने, “मर्कावाङबाट चकचके सम्म पुग्नका लागि करिब ४ घण्टा पैदल हिड्नुपर्छ बसमा चढेर बैंक सम्म जानुपर्यो भन्दा बृद्ध आमाबुवाले हामी सक्दैनौ भन्नुभयो त्यसैले उहाँहरुको समस्यालाई मध्यनजर गर्दै वस्तीस्तरबाट भत्ता वितरण गर्न थालेका हौ ।” भत्ता वितरण गरिने स्थानमा जान नसक्ने नागरिकलाई घरमै भत्ता पुर्याउन जाने गरेको समेत उनले बताए । स्तीस्तरबाट सामाजिक सुरक्षा भत्ता दिन थालेपछि स्थानीय खुशी भएका छन् । बैंक जान इच्छुक व्यक्ति बैंकमै गएर भत्ता लिन सक्नेछन् अधयक्ष वली भने, । गत वर्ष सम्म वडा कार्यालयबाट दिइने भत्ता सिभिल बैंक लिमिटेड चकचके शाखाबाट वितरण गरिदै आइएको थियो ।
