विमान दुर्घटनामा परि मृत्यू भएका पत्रकार त्रिभुवन पौडेलको सम्झनामा प्यूठानमा श्रद्धान्जली कार्यक्रम गरिएको छ । हाम्रो एकता राष्ट्रिय साप्ताहिक प्रकाशनको आयोजनामा शुक्रबार प्यूठान नगरपालिका ४ जुम्रीमा एक कार्यक्रमका बिच श्रद्धान्जली अर्पण गरिएको हो । माघ १ गते विमान दुर्घटनामा परी निधन भएका पत्रकार त्रिभुवन पौडेल सहित विमान दुर्घटनामा ज्यान गुमाउनु हुने ७२ जना प्रति १३ औं दिनको पुण्यतिथिमा मृतकप्रति उक्त श्रद्धाञ्जली व्यक्त कार्यक्रम गरिएको हो । कार्यक्रममा जिल्लामा क्रियाशील पत्रकारहरुको उपस्थिति रहेको थियो । स्वर्गीय पौडेल नेपाल पत्रकार महासंघका केन्द्रीय सदस्य र पत्रकार महासंघ गण्डकी प्रदेशको पूर्व अध्यक्ष तथा हाल गण्डकी प्रदेशको सल्लाहकार समेत रहेका थिए ।