माण्डवी गाउँपालिका प्युठानको आयोजनामा बुधबार देखि संचालन भएको सामुदायिक र सस्थागत विद्यालयका प्रधानाध्यापकहरुका लागि शिक्षा ब्यवस्थापन तालिम तथा सामुदायिक बिधालयका खेलकुद शिक्षक र बिद्यार्थीहरुका लागी सागितिक पि.टि.प्राथाना र पुर्नताजकीय कार्यशालाको शुक्रबार समापन भएको छ । समापन कार्यक्रममा गाउपालिका अध्यक्ष नमराज अधिकारी–रोसनले तालिममा पाएको शिक्षा व्यबहारमा कार्यन्वन गर्नु पर्ने बतए । साथै उनले ब्यबहारिक शिक्षा सङ्गै बिधालयमा शिक्षा खेलकुद र स्वास्थ्य पनि महत्त्वपूर्ण रहेकोे बताएका छन् । सामाजिक बिकास समितीका सयोजक अध्यक्ष प्रकाश वलिको अध्यक्षतामा भएको समापन कार्यक्रम मा सहभागी प्रशिक्षक, शिक्षक र बिद्यार्थीहरुलाई गाउपालिका अध्यक्ष नमराज अधिकारी –रोसन, उपाध्यक्ष पुर्ण प्रसाद कालाथोकी, प्रमुख प्रशासकीय अधिकृत प्रकाश पाण्डे, ३.न वडा अध्यक्ष धनेन्द्र कार्की, प्रशिक्षक शिक्षा विद एवम कालिका मानवज्ञान बिधालय रुपन्देहीका प्रधानाध्यापक दिनेश थापा, प्रदेश खेलकुद परिषद सदस्य हरिष वलिले प्रमाणपत्र सहित अबिर माला लगाईदिएका थिए ।

गाउँपालिका शिक्षा शाखा प्रमुख तुल्सी कार्किले कार्यक्रमको सहजीकरण गरेका थिए भने कार्यक्रममा बिद्यार्थी र शिक्षकले पि.टी प्रर्दशन गरेका थिए । तालिममा सहभागी टोलीहरुले तालिम बाट प्राप्त ज्ञानलाई व्यबहारमा उतार्न आफुहरु आतुर रहेको बताए । तीन दिन सम्म संचालिन भएको तालिमको प्रशिक्षकमा शिक्षा विद एवम कालिका मनोविज्ञान बिधालय रुपन्देहीका प्रधानाध्यापक दिनेश थापा र प्रदेश खेलकुद परिषद सदस्य हरिष वलि रहेका थिए ।