राष्ट्रिय कलाकार शुरविर पण्डित (दारी बा)को टिम प्यूठान आउने भएको छ । जिल्लाको माण्डवी गाउँपालिका अन्तर्गतका विभिन्न विद्यालय तथा बजार क्षेत्रमा बालबिबाह न्यूनीकरण सम्बन्धी अभिनय तथा नाटक प्रदशन गर्नका लागि राष्ट्रिय कलाकार शुरविर पण्डित (दारी बा)को टिम प्यूठान आउने भएका हुन् ।
गाउँपालिकाको २०७९,८०को वार्षिक स्वीकृत कार्यक्रम अनुसार बालविबाह न्यूनीकरण सम्बन्धी जनचेतनामुलक अभिनय प्रदशन गर्नका लागि यहि माघ २१ गते कलाकारको टिम प्यूठान आउने भएको माण्डवी गाउँपािलकाले जानकारी दिएको छ ।
गाउँपािलकाका अनुसार पालिका क्षेत्रभित्रका आठ वटा विद्यालय र एक वटा बजार क्षेत्र गरी नौ स्थानमा सचेतनामुलक नाटक प्रदशन गरिने छ । माघ २१ गते अरुणा भवानीश्वरी प्राथामिक विद्यालय माण्डवी गाउँपालिका १, कुमाल्टार, गणेश माद्यामिक विद्यालय तिराम, सुन्नानी आधारभूत विद्यालय रातापानी र गणेश आधारभूत विद्यालय ढिकाबनमा नाटक प्रदशन हुनेछ । त्यस्तै माघ २२ गते कामाक्षी माद्यामिक विद्यालय वडा नं.४उदयपुरकोट, एश्वर्य प्राथामिक विद्यालय डाडाकटेरी, माण्डवी माद्यामिक विद्यालय नयाँगाउँ, जस्पुर बजार चोक र २३ गते वागेश्वरी माद्यामिक विद्यालय वडा नं.५ तिघ्रामा नाटक प्रदशन गरिने जनाइएको छ ।
कार्यक्रममा बालबिबाहले निम्त्याउने असर, समस्या र न्यूनीकरण लगाएतका शिर्षकमा आधारित रहेर नाटक प्रदशन गरिने जनाइएको छ ।