जिल्ला समन्वय समिति प्यूठानको नाममा रहेको जग्गा जिल्ला जनस्वास्थ्य कार्यालयलाई दिने भएको छ ।
प्यूठान नगरपालिका ३ स्थित बिजयनगरमा रहेको करिब ६ रोपनी जग्गा विहिबार जिल्ला प्रशासन कार्यालयका प्रतिनिधि, जिल्ला जनस्वास्थ्य कार्यालय, नापी कार्यालय, मालपोत कार्यालय, वडा कार्यालय र स्थानीयको उपस्थितिमा नापजाँच गरि जग्गा हस्तान्तरण गरेको हो । सो निर्णय सँगै नापी नक्सा सहितको नापजाँच गरेको ३ नं वडा अध्यक्ष सुमनराज श्रेष्ठले जानकारी दिए । साथै चाडै नै अर्काे आर्थिक बर्षमा जनस्वास्थ्य कार्यालयको भवन निर्माण हुने भएको छ । भवन ३ नं बिजयनगरमा नै बन्ने अध्यक्ष श्रेष्ठले बताए ।