जिवाबती सामुदायिक विपद ब्यवस्थापन समिति द्वारा आगलागी पिडितलाई राहत वितरण गरेको छ । दाल, चामल, तेल लगायतका समाग्री लिएर मानवताको हिसाबले सहयोगको भावना बोकेर उनिहरुलाई केही हदसम्म भएपनि राहतको महसुस होस भनी हाम्रो समितिले सहयोग गरेको हो, जिवाबती सामुदायिक विपद ब्यवस्थापन समिति अध्यक्ष पाठकको भने ।

विपद पूर्व तयारी, हामी सबैको जिम्मेवारी भन्ने नारालाई आत्मासाथ गर्दै सानो भए पनि सहयोगलाई अगाडी सारेको अध्यक्ष पाठकको भनाई छ । गत माघ २७ गते साँझ केशव गन्धर्वको घरमा विद्युत सर्ट भई आगलागी भएको थियो । त्यस आगलागीबाट गन्धर्वको घर र गोठ जलेर सबै नष्ट भएको छ ।

घर र गोठ, लत्ताकपडा देखी लिएर खाद्यान्न समेत जलेर करिब पाँच लाख बराबरको क्षेति भएको अध्यक्ष हेमन्त पाठकले जानकारी दिए ।

वडाले सहयोग गर्ने भने पनि अहिलेसम्म कुनै सहयोग नआएको पिडितको गुनासो छ । उनिहरु हाल पहिलेको पुरानो घरमा बस्दै आएका छन् ।

उता वडाले भने पिडित पक्षको अनुगमन गरिसकेको र सहयोगको लागि वडा लागि परेको ३ नं वडा अध्यक्ष सुमनराज श्रेष्ठले बताए ।

उनले भने नगरपालिकामा समेत बातावरण तथा विपद व्यवस्थापन सम्बन्धि शाखा भएको भन्दै त्यहाँबाट पनि सहयोग हुने बताएका छन् । हाललाई ट्रिपाल लगायतका सामान उपलब्ध गराएको र त्यसको लागि अन्य सरकारी कार्यालयलाई समेत सहयोगको लागि अनुरोध गरेको उनको भनाई छ ।