०५ फागुन २०७९स्वर्गद्धारी प्यूठान पाचौं महोत्सव २०७९ प्यूठानमा हिजो विहिबार देखी सुरु भयो । सोही भिडमा प्यूठान नगरपालिका – ३ बिजयनगर स्थित मुक्ति माध्यामिक बिधालय रातामाटा कक्षा – ३ मा पढने राजु कुमालले पनि खुल्ला चौरमा तित्री बेच्न पुगेका थिए ।
सोही तस्विर अहिले सामाजिक सञ्जालमा भाइरल भएको छ । त्यसपछि प्यूठान नगरपालिका ३ का वडा अध्यक्ष सुमनराज श्रेष्ठले दयनिय अवस्था रहेको भन्दै नगद पाँच हजार रुपैया कुमाललाई दिए । “सो घटना सामाजिक संजालमा भाइरल भएसंगै हामीले उद्दार तथा पहल गरेका छौ” अध्यक्ष श्रेष्ठले भने,।
कुमालले आफ्नो पढाइको लागि आवश्यक पर्ने कपी, कलम नभएको भन्दै बाध्यताले तित्री बेच्न थालेको सुनाए । बुबा रोजगारको लागि भारत पुगेको र आमा गाउँमै ज्याला मजदुरी गर्दै आएको उनको भनाई छ । उनले भने, ‘त्यही बेचेर आफनो पढाइको लागि आवश्यक सामान किन्ने सोचमा छु’ ।
त्यस्तै कुमाललाई बिद्यालय पढ्दा सम्म आबश्यक पर्ने सबै शैक्षिक सामाग्री बिद्यालयले ब्यबस्था मिलाउने भएको छ । कक्षा ३ मा अध्ययन गर्ने बिद्यार्थी राजु कुमाल हिजो मात्र महोत्सवमा बिद्यालय पोसाक सहित तित्री बेच्न पुगेका थिए ।
