जिल्लाका एक सय ९ जना कृषकले माटो परिक्षण गराएका छन् ।
ज्लिलामा स्वर्गद्धारी प्यूठान पाचौं महोत्सव २०७९ को सञ्चालन पश्चात एकिकृत कृषि तथा पशुपन्छी विकास कार्यालय प्यूठानले किसानहरुका लागि गत फागुन १० र ११ गते निशुल्क रुपमा माटो शिविर गराउन आग्रह गरेको थियो ।
केही किसानले माटोको रिपोर्ट लगिसकेको र केही कृषकको लागि भने आआफ्नो सम्बन्धित पालिकाबाट लिन सकिने बताएका छन् ।
सोही समयको अवसरमा जिल्लाका किसानहरुले माटो परिक्षण गराएका छन् ।
जिल्लाको नौबहिनी गाउँपालिका, प्यूठान नगरपालिका, माण्डवी गाउँपालिका र झिमरुक गाउँपालिकाका कृषकहरु सहभागि भएको कृषि अर्थविज्ञ उमेश चन्द श्रेष्ठले जानकारी दिए ।
सहभागिहरुले माटो परिक्षण गराए अनुसार प्राय पालिकाको माटो राम्रो भए पनि माण्डवी गाउँपालिकाको माटोको अवस्था भने विग्रिएको पाइएको कृषि अर्थबिज्ञ श्रेष्ठले बताए ।
माटो सुधारको लागि माटो तथा मल प्रयोग परिक्षण प्रयोगशाला खजुराबाट आएका प्राविधिक टोलिहरुले माटोको सुधार हुनुपर्ने आवश्यकता रहेको जानकारी गराएका छन् ।
माटाको शिविरको लागि उपलब्ध डाटा अनुसार पुरुस्कृतको लागि कृषकलाई समारोहका कार्यक्रम मार्फत प्रदान गरिने उनले बताए ।