स्वर्गद्वारी प्यूठान पाँचौ महोत्सव २०७९ मा जिल्लाका एक सय ९ जना कृषकले माटो परिक्षण गराएका छन् ।

महोत्सवका विभिन्न आकर्षणहरु मध्ये लक्षित वर्ग कृषकले सवैभन्दा लाभ प्राप्त गर्ने स्टल माटो परिक्षण स्टल राखिएको थियो । एकिकृत कृषि तथा पशुपन्छी विकास कार्यालय प्यूठानले किसानहरुका लागि गत फागुन १० र ११ गते निशुल्क रुपमा माटो शिविर गराउन आग्रह गरेको थियो । माटोको उत्पादकत्व, अवस्था, समस्या, संभावित वालि आदिवारे कृषकले माटो परिक्षण गराएर खेति गरे संभावित जोखिमवाट वँच्न सकिन्छ । तर, जिल्लाका धेरै कृषकले अहिलेपनि माटो परिक्षण विनै परम्परागत कृषी वालि गर्दै आएका छन् ।

कृषि विज्ञ उमेश चन्द श्रेष्ठका अनुसार माटोको अवस्था वमोजिमको कृषि खेति गर्न र उत्पादकत्व ह्रास हुन नदिन कृषकले समय समयमा माटो परिक्षण गराउनुपर्ने हुन्छ । यस्तै जिल्लाका ग्रामीण क्षेत्रमा लघु तथा घरेलु उद्यमीहरुले उत्पादन गरेको सामग्रि सहितका स्टलहरु पनि आकर्षका रुपमा रहेका थिए । आफूले उत्पादन गरेका बस्तु र सामग्रि धेरैजना उपस्थित हुने मेलामा प्रदर्शन गर्न पाउँदा उनिहरुले खुसी ब्यक्त गरेका छन् ।