१९ फागुन २०७९महिला हिंसा विरुद्ध प्रहरी साझेदारी कार्यक्रम प्यूठान नगरपालिका ६ माझकोटमा आजबाट सुरु भएको छ ।
स्थानीय महिलाहरुलाई सशक्तिकरण र सुसुचित गराउनको लागि यो कार्यक्रम सुरु गरिएको वडा सचिव सुमन पुन मगरले बताइन ।
कार्यक्रमको सहजिकरणका लागि स्थानीय सगरमाथा महिला बचत तथा ऋण सहकारी संस्था ले जिम्मा लिएको छ ।
कार्यक्रममा महिला हिंसा, त्यसको न्यूनिकरण र त्यसले महिलाहरुमा पार्ने असर, घरेलु हिंसा लगायतका बिषयहरु समेटिएका वडा सचिव पुनले जानकारी दिइन ।
संस्थाले वडाको प्रत्येक टोलटोलमा गएर जनचेतना मुलक कार्यक्रम गर्ने भएको छ भने आज ६ नं वडाको काफलबुटा र खोलिगाउँमा सम्पन्न गरेको छ ।
कार्यक्रम तीन दिनसम्म चल्ने सचिव पुनले बताइन ।
सगरमाथा महिला बचत तथा ऋण सहकारी संस्थाकी अध्यक्ष सावित्रा पोख्रेलको अध्यक्षतामा सुरु भएको कार्यक्रमको सञ्चालन संस्थाकी सचिव अमृता भण्डारीले गरेकी थिइन।
कार्यक्रममा वडा सदस्यहरु अस्थाई प्रहरी पोष्ट बाग्दुलाका प्रहरी प्रतिनिधी, संस्थाका सदस्यहरु, समाजसेवी, बुद्धिजीवी लगायतको उपस्थिति थियो ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
