जाल्पा सामुदायिक लघुवित्तले मृत्यु दावी रकम भुक्तानी गरेको छ । बीमा सुविधा वितरण कार्यक्रम मार्फत जाल्पा सामुदायिक लघुवित्त वित्तीय संस्था लिमिटेड बाहाने शाखाले मृतक भिमे घर्तिको परिवार सदस्यलाई मृत्यु दाबी भुक्तानी वापत ३ लाख ३० हजार सहयोग रकम हस्तान्तरण गरेको हो ।
नौबहिनी गाउँपालिका ६ प्युठान बाहाने शाखाका सदस्य भिमे घर्तिले जाल्पा लघुवित्तबाट एक वर्ष अगाडी होटल व्यवसाय गर्ने भनी ३लाख ५० हजार ऋण लिएका थिए । केही महिना अघि उनको मृत्यु भएको थियो ।
बिहिवार जाल्पा सामुदायिक लघु वित्त वित्तीय संस्थाका अनुगमन प्रमुख कमल बहादुर महराले मृतकका श्रीमती चनमती घर्तिलाई ३लाख ३० हजार सहयोग रकम हस्तान्तरण गरेका हुन् । साथै घर्तिले होटल व्यवसाय गर्ने भनी लगेका ऋण समेत मिनाह गरेको अनुगमन प्रमुख महराले बताए ।