राष्ट्रिय जनमोर्चाले संघियताको विरुद्ध प्यूठानमा विरोध ¥याली र विरोध सभा गरेको छ । गत विहिबार देखी जारी एकहप्ते देश व्यापी विरोध प्रदर्शन कार्यक्रम अन्तरगत राष्ट्रिय जनमोर्चा जिल्ला समिति प्यूठानले जिल्लामा संघियता विरुद्ध विरोध प्रदर्शन गरेको हो ।
प्रदेश सरकार खारेज गर्नुपर्ने बिषयलाई मुख्य एजेन्डा बनाएर पार्टीले विरोध ¥याली गरेको राष्ट्रिय जनमोर्चा प्यूठानका पार्टी प्रवक्ता ज्ञामुराम न्यौपानेले जानकारी दिए । जुम्रिबाट बिजुवारको मित्रमणि चोकमा पुगेको ¥याली विरोध सभामा परिणत भएको थियो ।
विरोध सभामा बोल्दै राष्ट्रिय जनमोर्चाका केन्द्रिय सदस्य तथा प्यूठान जिल्ला पार्टी अध्यक्ष कृष्ण खड्काले प्रदेश सरकार खारेज गरेमा मात्र त्यहा आउने बजेटले स्थानीय सरकारमा विकास हुने बताए । उनले भने– “देशमा भएको तीन तहको सरकारलाई घटाएर दुई तहको मात्र सरकार बनाउन हामीले सरकार समक्ष आग्रह छौ ।”
जनताले सोचे अनुरुपको विकास नगर्दा उनिहरुको अधिकार हनन गरेको समेत उनले आरोप लगाए ।
प्रदर्शनमा सहभागिले प्रदेश सरकार खारेज गर, बढ्दो महंगी नियन्त्रण गर, चर्काे मुल्यबृद्धि नियन्त्रण गर, लगायतका नाराहरु लगाएका थिए ।