माण्डवी गाउँपालिकाले आजदेखी ५ दिने घुम्ति शिविर सञ्चालन गरेको छ ।

गाउँपालिकावाट प्रवाह हुने सवै सेवाहरु जनताको घरदैलोमा पुर्याउन एकीकृत घुम्ती शिविर सञ्चालन गरिएको माण्डवी गाउँपालिकाका अध्यक्ष नमराज अधिकारीले वताए।

आजबाट वडा नं १ देखि सुरु भएको शिविर विहिवारसम्म क्रमसः ५ वटै वडामा पुग्नेछ ।

शिविर अवधिमा सामाजिक सुरक्षा, स्वास्थ्य, पशु तथा कृषि सेवासम्वन्धी पालिकाका विविध सेवाहरु वडावाट उपलव्ध हुनेछन्।

कार्यक्रमको उदघाटन गर्दै पालिका अध्यक्ष अधिकारीले गाउँपालिकाले जनतालाई सहज र प्रभाबकारी सेबा दिनका लागि सधै तत्पर रहेको वताए ।

उनले भने, “जनताको साथमा सधैं स्थानीय सरकार छ । जनताको लागि घरदैलोमा सेवा सुविधा पुर्याउने उदेश्यले पालिकाले हरेक सेबा सहितको घुम्ती शिबिर सञ्चालन गरेको छ ।

कार्यक्रममा गाउँपालिका उपाध्यक्ष पुर्ण प्रसाद कालाथोकिले शिविर संचालनले जनताको धेरै सेबा सहज ढंगले लिनेमा आफू बिश्वस्त रहेको बताए ।

स्वास्थ्य, पशु, कृषि, जेष्ठ नागरिक, अपांग परिचयपत्र, ब्यक्तिगत घटना दर्ता तथा ब्यवसाय दर्ता लगायत सेवाहरु गाउँपालिकाले शिविरबाट उपलजव्ध हुने माण्डवी गाउँपालिकाका प्रमुख प्रशासकीय अधिकृत प्रकाश पाण्डेले वताए ।