दाँत रोग सम्वन्धी स्वास्थ्य शिविर नौवहिनी गाउँपालिकामा सुरु भएको छ।

नौवहिनी गाउँपालिकाको आयोजनामा सञ्चालित शिविरमा दाँत सम्वन्धी समस्या रहेका नौवहिनी वासिले सेवा लिने अपेक्षा रहेको गाउँपालिका अध्यक्ष डिल वहादुर थापाले वताए।

आज वडा नं ६ लुङमा शिविर सञ्चालन गरिएको छ । शिविरबाट ६५ महिला र ४० पुरुष गरि जम्मा १०५ जना दाँत रोगिहरुले सेवा लिएको नौबहिनी गउँपालिका स्वास्थ्य शाखा प्रमुख ऋषिराम शर्माले जानकारी दिए ।

उनका अनसार ३५ जनाले दाँत फालेका छन भने २० जनाभन्दा बढिलाई त्यहाँबाट जिल्ला अस्पताल बिजुवार रिफर गरिएको छ ।

पालिकाले सबै ठाउँमा स्वास्थ्यको पहुँच पुर्याउने उदेश्य सहित ८ वटै वडामा शिविर सञ्चालन गर्न लागेको छ ।