प्रतिनिधि सभा सदस्य सुर्य थापाले थालेका राम्रा कामहरुमा आफ्नो कुनै पूर्वाग्रह नहुने बताए ।

आज बिहिबार प्यूठान उद्योग बाणिज्य संघ मल्लरानी बजार क्षेत्रले आयोजना गरेको खाना महोत्सवको उद्घाटन कार्यक्रमलाई सम्बोधन गर्दै उनले यस्तो बताएका हुन् ।

सासंद थापाले राम्रो थालेका कामहरुलाई बिना पूर्वाग्रह अगाडी बढ्ने र सम्पन्न गर्ने काममा आफुले जे थालेको छ त्यही अनुसार नै काम अघि बढाउने भएकाले त्यसमा कुनै पूर्वाग्रह नहुने उनको भनाइ छ ।

त्यस्तै उनले जनप्रतिनिधिले अगाडी बढाएका कार्यहरु पनि राम्रोको लागि भएको भन्दै आफुले त्यसमा कुनै बहस नगरी समर्थन गर्ने बताएका छन् ।

मल्लरानी पर्यटन प्रर्वद्धनको लागि सधै प्रतिवद्ध रहेको उनले बताए ।

उनले भने यो मल्लरानी एउटा आफैमा पर्यटकीय क्षेत्रको रुपमा भएको हुँदा यसलाई भ्यू टावरको रुपमा कुनै पनि कंकृतका ठूला टावर नबनाउन समेत आग्रह गरे ।