२०८० बैशाख ८जुम्री बजारको बाटो छेउँमा रहेको आँपको बुटामुनी सधैजसो तरकारी बिक्रि गर्न एक दम्पती बसेको भेटिन्छन् ।
प्यूठान नगरपालिका ८ का हरि बहादुर र श्रीमती सीमा घर्ती दैनिक तरकारी बिक्री गर्न आलोपालो गरेर यहां आउने गर्दछन् ।
विगत ८ बर्ष देखी नै बिजुवार र जुम्रीमा तरकारी बिक्री गर्दै आएको प्यूठान नगरपालिका ८ खप्रेङकाखोलका ५२ बर्षका हरिले बताए ।
हरिका अनुसार हिजोआज श्रीमतीको हात भाच्चिएको हुँदा अलि समस्या छ ।
२ रोपनी जग्गामा अरु अन्न लगाई बाँकी जग्गामा उनीहरुले तरकारी लागाउने गर्दछन् ।
घर्ती दम्पतीले आफ्नो जग्गाको मात्र तरकारी नलिई छिमेकीको तरकारीहरु समेत खरिद गरेर बेच्न आउछन् ।
बिहानै ५ बजे देखी १० बजेसम्म आफ्नो घरको काममा व्यस्त हुन्छन् । त्यसपछि त्यहाँबाट १० बजेको गाडी चढेर तरकारी लिइ फेरी उहि काममा फर्कन्छन् ।
गाउँबाट संकलन गरि लिएका तरकारीहरु बेच्न बिहान ११ बजेदेखी साँझ ६ बजेसम्म उनी दैनिक आँपको बुटामा भेटिन्छन् ।
उनको घरमा दुई छोरा र दुई छोरी छन् । दैनिक तरकारी बिक्री गरेर मासिक ३० हजार जति कमाउने गरेको हरिले बताए ।
यसैले उनीहरुको ६ परिवारको गुजारा चलेको छ ।
नगरपालिकाले कैयौ पटक किसानको लागि भनेर अनुदान दिए पनि उनीहरुले अहिलेसम्म कुनै अनुदान नपाएको गुनासो गरे ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
