नौबहिनी गाउँपालिकामा टोलविकास समिति गठन सुरु भएको छ ।

बिहिबार हिजो नौबहिनी गाउँपालिका ५ डामृमा ९ वटा टोल समिति गठन गरिएको छ ।

गाउँपालिकाको टोेल बिकास समितिको कार्यविधि अनुसार सो समिती गठन गरिएको ५ नं वडा अध्यक्ष दलराज पुन मगरले जानकारी दिए ।

जनप्रतिनिधिले मात्र वडाको परिवर्तन गर्न समय लाग्ने र सबै क्षेत्रलाई हेर्न नसक्ने भएकाले अब टोल बिकास समिति गठनले वडालाई विकास निर्माणमा सहयोग पुग्ने अध्यक्ष पुनले बताए ।

त्यस्तै सामाजिक, सास्कृतिक, कुरिती तथा बेइथितिहरुलाई सुधारमा ल्याउनको लागि पनि यसले सहयोग पुग्ने नौबहिनी गाउँपालिका अध्यक्ष डिल बहादुर थापा मगरले जानकारी दिए ।

नौबहिनी गाउँपालिका प्रमुख प्रशासकीय अधिकृत शिबराज पौडेलले यो समितिले समाजको विकास निर्माण, विकास निर्माणमा जनसहभागिता बढ्ने लगायतका उदेश्य सहित समिति गठन गरिएको बताए ।

वडा अध्यक्ष दलराज पुन मगरको अध्यक्षतामा सुरु भएको कार्यक्रममा गाउँपालिका प्रमुख प्रशासकीय अधिकृत शिवराज पौडेल, गाउँपालिका अध्यक्ष डिल बहादुर थापा मगर, वडाका स्थानीय लगायतको उपस्थित रहेको थियो ।