प्यूठान नगरपालिका १ को भलाबाङ स्वास्थ्य चौकी कार्यालय सहयोगीको भरमा चलेको छ ।

गत मंगलबार देखि कार्यालय सहगोगीको भरमा स्वास्थ्य चौकी सञ्चालनमा रहको स्थानीयले गुनासो गरेका छन् ।

चार जना कर्मचारी रहेको स्वास्थ्य चौकीमा विभिन्न बाहानामा कर्मचारी विदामा बसेपछि विरामी आउदै फर्कदै गर्नु परेको स्थानीयले बताएका छन् ।

दैनिक १० देखि १५ जना सम्म स्वास्थ्यचौकीमा विरामी आउने गरेको कार्यालय सहयोगी हेमन्त वलीले बताए ।

३ दिनको मात्र हैन यो समस्या , स्वास्थ्य चौकीमा अन्य समयमा पनि कर्मचारीको लापरर्वाही हुने गरेको स्थानीय पारस बुढाथोकीले बताए ।

कर्मचारी थोरै हुदाँ समस्या आएको प्यूठान नगरपालिका स्वास्थ्य शाखा प्रमुख गोविन्द घिमिरेको भनाई छ ।

काजमा आएका कर्मचारीलाई भलाबाङको स्वास्थ्य चौकीमा खटाइने तयारी गरेको घिमिरेले बताए ।