२०८० बैशाख २५प्यूठानको प्यूठान नगरपालिका–४, हल्लीखोलामा जन्मिएका एक गायक हुन मोहन नेपाली ।
जसले धेरै गित संगितमा आफ्नो सुमधुर आवाज दिइ सकेका छन् । उनि अहिले त्यही गायन क्षेत्रमा नै आफ्नो भविष्य खोजीरहेका छन् ।
नेपाली विगत ७/८ बर्षदेखी काठमाडौंमा गितसंगित क्षेत्रलाई केन्द्रविन्दु बनाएर संघर्षरत छन् ।
स्रोताको भित्री मनसम्म पुग्ने क्षमता भएका नेपाली आवाज हिजोआज भ्याईनभ्याई छन् ।
गाउँमा हुँदा बासुँरी बनाएर बजाउने र त्यही संगितमा रमाउने गर्थे ।
पछि उनी संगितको माधुर्यताले मोहनी लगाए जस्तै त्यसैमा नै उनको नसा बस्न थाल्यो ।
त्यसपछि गित गाउन कै लागि भनेर उनी कक्षा ८ मा पढ्दापढ्दै भागेर काठमाडौं जाने निधो पनि गरे ।
त्यहाँ उनले न कसैलाई चिनेका थिए न त उनलाई अरु कसैले नै !
काठमाडौंको बसाईले उनलाई द भ्वाइस अफ नेपाल लगायत अन्य धेरै स्टेजमा सहभागि हुने अवसर प्राप्त गरायो ।
उनलाई संगित क्षेत्रमा अगाडी बढाउन भने द भ्वाइस अफ नेपालले सहयोग गरेको बताउँछन् ।
उनले २ दर्जन भन्दा बढि गितहरुमा आफ्नो आवाज दिइसकेका छन् ।
