२०८० जेठ २४झिमरुक गाउँपालिकामा कर्मचारी माथि हातपात भएको छ । गाउँपालिका अध्यक्ष पित बहादुर महतराका छोरा मिलन एमसी सहितका ३ जनाले योजना शाखाका सहायक कर्मचारी दिपक जि.सी.लाई हातपात गरेका हुन् ।
भुक्तानीका लागि स्थानीय उपभोक्ता समितिका २ जना सदस्य लिएर आएका एमसीले जि.सी. माथी हातपात गरेको प्रमुख प्रशासकीय अधिकृत शुवास रिजालले पुष्टि गरेका छन् ।
शाखामा हातपात भएपछि आफूकहाँ जोगिन आएका योजना शाखाका जि.सी.सँग सोधपुछ गर्दा आफैलाई समेत आक्रमणको प्रयास भएको अधिकृत रिजालले बताए ।
प्रत्यक्षदर्शिका अनुसार महतराले मदिरा सेवन गरेर कार्यालयको योजना शाखामा भुक्तानीको लागि आएका थिए । घटनाबारे अनुसन्धान भइरहेको जिल्ला प्रहरी प्रमुख शुवास खड्काले जानकारी दिए ।
घटनाबारे गाउँपालिका अध्यक्ष पित बहादुर महतरा सँग बुझ्दा कार्यालयमा घटना भएकाे पुष्टि गर्दै आफु बाहिर भएकाले थप जानकारी दिने स्पष्ट पारे ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
