माण्डवी गाउँपालिकाले कृषकका लागि कृषि सामग्री वितरण गरेको छ । गाउँ पालिका भित्र रहेका कृषि सहकारी, कृषक समुहमा आबद्द कृषकहरुका लागि ५० प्रतिशत अनुदानमा कृषि सामग्री हस्तान्तरण गरिएको गाउँपालिकाले जनाएको छ ।

पालिका भित्र रहेका ३२ वटा समुहहरुलाई २१ मिनिटिलर, ५ कम्बाईल मिल, २ थ्रेसर मेसिन , १ प्लेटफिड मेसिन र १ डिजिटल तराजु लगायतका सामग्री वितरण गरिएको गाउँपालिकाका सुचना अधिकारी बलराम पौडेलले जानकारी दिए ।

कृषिलाई आधुनिकिकरण बनाउन, कृषकहरुको आयआर्जन बृद्धि गर्न, र उत्पादन बढाउनको लागि उक्त सामग्री प्रदान गरिएको गाउँपालिकाका प्रमुख प्रशासकिय अधिकृत प्रकाश पाण्डेले बताए । कृषकहरुको माग अनुसार ५० प्रतिशत गाउँपालिका अनुदान र ५० प्रतिशत कृषकले व्यहोर्ने गरि सामान खरिद गरेर वितरण गरिएको अधिकृत पाण्डेको भनाई छ ।

आर्थिक बर्ष ०७९र०८० को कृषकहरुका लागि विनियोजित बजेट अनुसार कार्यक्रम लिएको पनि उनले बताए । साथै आगमी दिनमा कृषकहरुले व्यवसायिक तरिकाले कृषि गरे कृषिमा आर्थिक सशक्तिकरण गर्न सकिने उद्देश्यले गाउँपालिकाले किसानको उत्पादनलाई हेरी प्रोत्साहन गर्ने पनि बताईएको छ ।