News Portal

रेडियो सुन्नुहोस्

२०औं राष्ट्रिय धान दिवस प्यूठानमा मनाईयो

झुलेनी नेटवर्क२०८० असार १५
२२७ पटक
२०८० असार १५

२०औं राष्ट्रिय धान दिवस प्यूठानमा पनि मनाईएको छ । जिल्लाका विभिन्न ठाउँमा विभिन्न निकायहरुले कार्यक्रम गरि धान दिवस मनाईएको हो ।

सरुमारानी गाउँपालिकाले धान रोपेर दिवस मनाएको छ । पालिकाले चालु आर्थिक बर्षदेखि धान दिवस मनाउने तथा कृषि सम्बन्धि कार्यहरुलाई प्राथमिकता दिने गरि कृषि तथा पशुपंछि विकास स्रोत केन्द्रको स्थापना समेत गरेको छ । स्रोत केन्द्रका लागि ५० लाख बजेट विनियोजन गरेको पालिकाले जनाएको छ । वडा नं १ मा ३२ रोपनी र २ नं वडामा ३८ रोपनी गरी कुल ७० रोपनी जग्गा पालिकाले भाडाँमा लिएको सरुमारानी गाउँपालिका प्रवक्ता तथा वडा नं ४ का वडाध्यक्ष चिन्त बहादुर सोमै मगरले जानकारी दिए । उनका अनुसार यो बर्ष २५ रोपनी जग्गामा धान खेती गरिएको छ ।

‘हामी यहि असार २० गते श्रोत केन्द्रको लागि दुहुना भैंसी लिने तयारीमा छौ,’ सोमैले भने, ‘पालिकामा दुधको समस्या भएकाले भैंसीबाट दुध खपत गरि पालिकाभर पु¥याउने गाउँपालिकाको लक्ष्य छ ।’

कार्यक्रममा संविधान सभा सदस्य धन बहादुर रायमाझीले पालिकाले स्थापना गरेको कृषि तथा पशुपछी विकास श्रोत केन्द्रलाई विकास गरि रोजगारी बढाउन आग्रह गरे । ‘कृषि क्षेत्रको लागि यो ठाउँले धेरै संभावना बोकेको छै,’ उनले भने,‘कृषि क्षेत्रलाई विकास गरि यूवालाई रोजगार दिनुपर्छ ।’ हाल तरकारीको महंगी बढिरहेकाले तरकारी खेतीमा विशेष जोड दिनुपर्ने उनको रायमाझीको भनाई थियो ।

यस्तै ‘जलवायु अनुकूल कृषि मैत्री प्रविधि, धान उत्पादनमा वृद्धि’ नारा का साथ २०औं राष्ट्रिय धान दिवस शुक्रबार गौमुखी माबिमा,भानुभक्त मा.वि मल्लरानी गाउँपालिका बर्बोटमा प्रधानमन्त्री कृषि आधुनिकिकरण परियोजनाले सिफारिस गरेका १३ जातका धान परिक्षणका लागि रोपिएको प्रधानमन्त्री कृषि आधुनिकिकरण परियोजना धान जोनका प्रमुख चुमान गिरिले बताए ।

प्रधानमन्त्री कृषि आधुनिकिकरण परियोजना धान जोन प्यूठान, प्यूठान नगरपालिका, एकिकृति कृषि तथा पशुपछिं विकास कार्यालय, किसान महासंघको सयूक्त आयोजनामा प्यूठान नगरपालिका १ दाखाक्वाडीमा पनि धान रोपेर दिवस मनाईएको छ । दिवसको अवसरमा चैते धान खेती गर्ने किसानहरु प्यूठान नगरपालिका २ का भुवन के.सी, प्यूठान नगरपालिका ८ की सिमा पण्डित, प्यूठान नगरपालिका २ की शर्मिला रावत र ऐरावती ५ का किसान विर बहादुर के.सी लाई सम्मान गरिएको छ ।

प्रतिकृया दिनुहोस्

आगलागी सम्बन्धी कृतिम अभ्यास कार्यक्रम बिजयनगरमा सम्पन्न

“समुदायको अगुवाईमा विपद जोखिम न्यूनीकरण परियोजना” अन्तर्गत आगलागी सम्बन्धी कृतिम अभ्यास कार्यक्रम बिजयनगरमा सम्पन्न भएको...

आजदेखि नयाँ शैक्षिक सत्रको भर्ना अभियान सुरु

नयाँ शैक्षिक सत्र २०८१ को विद्यालय भर्ना अभियान आजदेखि सुरु भएको छ । ‘सबै बालबालिकाको...

२०८२ मा उज्यालो प्यूठान घोषणा हुने

२०८२ सालसम्म प्यूठान जिल्ला पूर्ण विद्युतिकरण हुने नेपाल विद्युत प्राधिकरण वितरण केन्द्र प्यूठानले जनाएको छ...

मल्लरानीमा दोस्रो (फूडफेस्टिवल) खाना महोत्सव सुरु

मल्लरानीमा आजदेखि खाना महोत्सव सुरु भएको छ । नयाँ बर्षमा मल्लरानी जाऔं, प्राकृतिक रमणीय दृश्यवलोकनका...

अहिलेको शैक्षिक अवस्था, एक चिन्तन

आजभोली विद्यालय शिक्षाको बार्षिक नतिजा प्रकाशनको समय भएकोले नतिजा प्रकाशन र यसका सन्दर्भमा विभिन्न कोणबाट...