


सडक माथिबाट आएको पहिरोले अवरुद्ध भएको प्यूठान भालुबाङ सडकखण्ड अहिले खुलेको छ । सोमबार राती देखी सो सडक अवरुद्ध हुँदा प्यूठान भालुबाङ सडकखण्डमा यात्रा गर्नेहरुलाई कठिनाई परेको थियो ।
करिब विहान ५ बजेदेखी पहिरो पन्छ्याउन सुरु गरिएकोमा साँझ ५ बजे १२ घण्टापछि मात्र सडक खुलेको सडक डिभिजन कार्यालय प्यूठानका सुचना अधिकारी किसन गैरेले जानकारी दिए । गैरेका अनुसार राती गएको पहिरो हटाउन सक्ने संभावना नभएपछि विहानबाट मात्र काम सुरु गरिएको हो ।
एउटा एक्साभेटर, लोडर, ब्याकहो लोडर प्रयोग गरेर पहिरो पन्छाइएको छ । ठूल्ठूला ढुंगासहितको पहिरो खसेका कारण सडक खुलाउन समय लागेको सुचना अधिकारी गैरेको भनाई छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।

