प्यूठान झिमरुक गाउँपालिका ५ ओखरकोट का ६६ वर्षिय डेग बहादुर के सी आफ्नो उपचारको लागी सहयोग माग्दै हिडेका छन् । पिसाब थैलिमा ७० ग्रामको मासु पलाएपछि उपचारको लागि रकम जुटाउदै हिनेका हुन ।

युवा अवस्थामा तिन सय किलोको भारी बोकेर हिड्ने उनलाइ अहिले गाउँमा सानो ट्याक्टर भनेर पनि चिन्छन ।
साउन ३१ गते काठमाण्डौ स्थित बिर अस्पतालमा सल्यक्रिया गर्ने खर्चको जोहो गर्न चिकित्सकले झुन्डाइदिएको पिसाबथैली मै पसल पसलमा सहयोग जुटाउदै हिनेका छन ।

घरमा श्रीमती र एउटा सानो छोरा छन् । बिहान बेलुका एक गास जुटाउन धौ धौ पर्ने बताउदै उनले उपचारमा आर्थिक समस्या परेपछि सहयोगको लागि भौतारिएको वताए ।

दुःखका कुरा सुनाउदै उनले आफु संगका साथीभाइहरु मन्त्री सांसद बनेको सुनाए । ‘ उमेरका बेला धेरैलाइ सहयोग गरे,’ उनले भने , ‘धेरैका भारी बोके अहिले आफुलाइ दुःख पर्दा सहयोग गर्ने कोहि भएनन् ।’

उपचारको लागि ५ देखी ६ लाख खर्च आउने डेग बहादुरले बताए । २०१३ साल असोजमा झिमरुक गाउँपालिका ५ ओखरकोटमा जन्मिएका केसीलाइ वडाले सिफारीस दिएको छ । त्यहि सिफारिस देखाउदै उनी सहयोग संकलन गर्दै। हिँडेका छन ।