सत्य माध्यमिक विद्यालयले शुक्रबारीय कार्यक्रम तथा विश्व साक्षरता दिवस मनाएको छ । आज शुक्रबार सरुमारानी गाउँपालिका २ ददेरीमा रहेको सत्य माध्यमिक विद्यालयले शुक्रबारीय कार्यक्रम तथा विश्व साक्षरता दिवसको अवसरमा तीज गित प्रतियागिता तथा नृत्य गरि मनाएको हो । तीज गित प्रतियोगितमा शिक्षा साक्षरता, महिला हिंसा, लैगिंक विभेद विरुद्धको भावनामा समेटिएको बिषय हुनेपर्ने थियो ।

तीज गित प्रतियोगिता तथा नृत्य दुबै विधामा पहिलो, दोस्रो र तेस्रो हुनेलाई पुरुस्कार समेत वितरण गरिएको थियो ।

सो कार्यक्रममा बोल्दै शिक्षक अभिभावक संघका अध्यक्ष अमृत प्रसाद श्रेष्ठले प्रतिभा सँगै साक्षरताको महत्वलाई बुझ्न आवश्यक रहेको बताएका विद्यालयका प्रधानाध्यापक नाराण प्रसाद पौडेलले जानकारी दिए । सहायक प्रधानाध्यापक डिलाराम पौडेलले कार्यक्रममा स्वागत मन्तव्य सँगै साक्षरता दिवसको बारेमा प्रकाश पारेका थिए ।

विद्यालयका प्रधानाध्यापक नारायाण प्रसाद पौडेलको अध्यक्षतामा सुरु भएको कार्यक्रममा प्रमुख अतिथिको रुपमा शिक्षक अभिभावक संघका अध्यक्ष अमृत प्रसाद श्रेष्ठ थिए भने कार्यक्रमको सञ्चालन शिक्षक बामदेब पौडेलले गरेका थिए ।