News Portal

रेडियो सुन्नुहोस्

योजना कार्यान्वयनका लागि वडाध्यक्षले बोलाए सर्वपक्षीय बैठक

झुलेनी नेटवर्क२०८० असोज ५
३०० पटक
२०८० असोज ५

मोटरबाटो स्तरोन्नती गर्ने विषयमा मल्लरानी गाउँपालिका वडा नं.३ मा सर्वदलीय/सर्वपक्षीय छलफल भएको छ । शुक्रबार ३ नं वडा कार्यालयमा वडा अध्यक्ष नोमराज पौडेलको अध्यक्षतामा आर्थिक बर्ष २०८०/०८१ मा मल्लरानी गाउँपालिकाको संघीय समपूरक योजना अन्तरगत मोटरबाटो स्तरोन्नतीका लागि बिनियोजित बजेटका बिषयमा सर्वपक्षीय छलफल गरिएको वडा अध्यक्ष नोमराज पौडेलले जानकारी दिए । उनका अनुसार संघीय समपुरक योजना अन्तरगत सिर्सेगैरा, मुनडाँडा, चुँजाठाँटी मोटरबाटो स्तरोन्नतीका लागि १ करोड बजेट विनियोजन गरिएको छ ।

छलफलमा नेकपा माओवादी केन्द्र मल्लरानी ३ का वडा कमिटी अध्यक्ष मिनराज परियारले आफ्नो बस्तीस्तरमा योजना कार्यान्वयन गर्नका लागि सबै एकजुट हुनुपर्ने बताए । साथै उनले सर्वपक्षिय छलफल आयोजना गरेकोमा राम्रो कामको सुरुवात भन्दै धन्यवाद समेत दिए ।

नेपाली कांग्रेसका वडा सभापति युवराज पौडेलले विगतमा बर्षैपिच्छे १/२ लाख बजेट बिनियोजन गरेपनि त्यसले प्रभावकारी काम गर्न नसकिएको भन्दै अहिलेको यो बजेटबाट प्रभावकारी योजना कार्यान्वयन गर्न सुझाव दिएका छन् ।

त्यस्तै मल्लरानी ३ का पुर्व वडाध्यक्ष गिरीराज पौडेलले वडाका विकास निर्माणका काममा सबै एकजुट हुनुपर्ने भन्दै प्रभावकारी रुपमा योजना सम्पन्न गर्न लागि सर्वपक्षीय छलफल सकारात्मक भएको बताए ।

नेकपा एमाले मल्लरानी ३ का सचिव डिलाराम पौडेलले सबै पक्षलाई समेटेर योजना कार्यान्वयनका लागि सर्वपक्षीय छलफलले सबैको अपनत्व महसुस हुने भन्दै योजनाको प्रभावकारी कार्यान्वयनका लागि सबैको सहयोग आवश्यक रहेको बताए ।

बैठकमा वडा अध्यक्ष नोमराज पौडेलले विकास सबैको हो, सबैका लागि हो भनेर सर्वपक्षिय बैठक बोलाएको भन्दै १ करोडको योजना कार्यान्वयनका लागि सबैको सहयोग अपरिहार्य रहेको बताए । अध्यक्ष पौडेलले वडाका महत्वपुर्ण योजनाहरुमा सर्वपक्षीय बैठकको निर्णय बमोजिम अगाडी बढ्दा आफुलाई काम गर्न सहज भएको बताए । उनले विकास निर्माणका काममा सबैलाई रचनात्मक सहयोगका निम्ति आग्रह गरेका छन् ।

बैठकमा बाटोमा नाली सहित ६ मिटरको बाटो बनाउने, ६ मिटर नभएको ठाउँमा कटिङ गरेर बाटोको सन्तुलन मिलाउने, बर्षातको समयमा समेत सिर्सेगैरा, मुनडाँडा , चुँजाठाँटी लगायतका मोटरबाटोमा बस सञ्चालन गर्ने लगायतका बिषयमा छलफल भएको बताईएको छ । बर्षातको समयमा बस सञ्चालन गर्न कठिनाई भएकाले बाटोको स्तरोन्नती गरी सहज रुपमा बस सञ्चालन गर्न स्टिमेट गरेर काम गर्नुपर्नेमा जोड दिएका छन् । कार्यक्रममा वडा नं ३ मा क्रियाशिल सम्पुर्ण राजनितिक दलका प्रमुख तथा प्रतिनिधि, समाजसेवी, बुद्धिजीवि, वडा नं. ३ का पूर्व वडा अध्यक्ष,स्थानीय बुद्धिजिबी लगायतको सहभागिता रहेको थियो ।

प्रतिकृया दिनुहोस्

माण्डवीमा घरमा हुँदैनन् सुत्केरी

माण्डवी गाउँपालिकामा अहिले गाउँघरमा सुत्केरी हुन छाडेका छन् । गाउँपालिकाले दिएको तथ्यांक अनुसार चालु आर्थिक...

नौबहिनीले गर्‍यो विषयगत समितिका प्रमुखहरुसँग छलफल

नौबहिनी गाउँपालिकामा विषयगत समितिको बैठक सकिएको छ । आज सोमबार बसेको विभिन्न शाखाका शाखा प्रमुखहरुको...

लामो खडेरीले मकैबाली सुक्न थाले, किसान चिन्तित

लामोसमय सम्म पानी नपरेर मकैबाली धमाधम सुक्न थालेपछि जिल्लाभरका किसान प्रभावित भएका छन् । मुख्यबालीको...

प्यूठान नगरपालिका ३ मा भएको पशु स्वास्थ्य शिविरबाट ८४ जनाले सेवा लिए

प्यूठान नगरपालिका ३ मा पशु स्वास्थ्य शिविर सम्पन्न भएको छ । आइतबार प्यूठान नगरपाकिलाको पशु...

रक्तदाता दिवसको अवसरमा प्यूठानमा १५ जनाले गरे रक्तदान

विश्व रक्तदाता दिवस प्यूठानमा पनि मनाईएको छ । नेपाल रेडक्रस सोसाईटी जिल्ला शाखा प्यूठानको आयोजना...