२०८० असोज १३स्वर्गद्धारी गौमुखी यातायात सेवा प्रा.लिको अधिबेशन स्थगन गरेकोमा सदस्यहरुले विरोध गरेका छन् । नयाँ सञ्चालक समिति चुन्न पाउने सदस्यको अधिकारलाई बञ्चित गरेको उनीहरुको गुनासो छ । वर्तमान सञ्चालक समितिले कम्पनी नै धरापका पार्न लागेको उनीहरुको आरोप छ । शनिबार प्यूठान नगरपालिका ४ नयाँ बजार स्थित होटल आयुश्मामा पत्रकार सम्मेलन गरेर उनीहरुले कम्पनी अध्यावधी गरि छिटोभन्दा छिटो अधिबेशनको मिति तय गर्न सञ्चालक समितिसंग माग गरेका हुन् ।
२ सय १८ सदस्य मध्य बहुमत सदस्य भेला भएर अधिवेशनको माग गरेको सञ्चालक समितिका सदस्य हरी खड्काले बताए । २०८० साल भदौ १६ गते भएको बार्षिक साधारण सभाले आज (असोज) १३ गते अधिबेशनको मिति तय गरेको थियो । अध्यक्षले आफूखुसी असोज ११ गते सूचना टास गरेर अधिबेशन स्थगन गरेको प्रति सदस्यहरुको गुनासो रहेको खड्काले बताए ।
अधिबेशन स्थगन प्रति असहमति जनाउदै स्वर्गद्धारी गौमुखी यातायात सेवा प्रा.लि को सदस्यबाट आफू बाहिरीने घोषणा गरेको खड्काले बताए । भेलामा सहभागि व्यवसायिका अनुसार स्वर्गद्धारी, गौमुखी सेवा प्रा.लि स्थापना देखि अहिलेसम्म प्रा.लि को लेखापरीक्षण,कम्पनी अध्यावधि नियमति हुन सकेको छैन । यसले गर्दा आफूहरुको लगानी धरापमा पर्ने चिन्ता बढेको सदस्य यामलाल श्रेष्ठले बताए ।
तत्कालिन स्वर्गद्धारी यातायात व्यबसायी समितिको २०७५ माघ १९ गते शुनिल बस्नेतको अध्यक्षतामा १९ सदस्य कार्य समिति निर्बाचित भएको थियो । पछि २०७६ जेठ १३ गते प्रा.लि मा रुपान्त्रित भएपछि बस्नेतकै अध्यक्षतामा ९ सदस्य सञ्चालक समिति बनेको छ । २ सय १८ सदस्यहरुको बैधानीक रुपमा सेयर सदस्य कायम गराउने कानुनी प्रक्रिया अधुरो भएकाले अधिबेशन स्थगन गर्न परेको स्वर्गद्धारी गौमुखी सेवा प्रा.लि का अध्यक्ष शुनिल बस्नेतले बताए । ‘सबै सदस्यहरुको सेयर प्रञ्जिकरण गरेर प्रमाण पत्र दिनेगरि काम थालेका छौ,’ बस्नेतले भने,‘त्यो काम सकिएको ३५ दिन भित्र अधिबेशन गर्ने योजना छ ।’
