तिहार नजिँकिदै गर्दा प्यूठान नगरपालिका – ४ जुम्रिमा ढकमक्क सयपत्री फूल फुलेका छन् । तिहारको लागि गाउँघर थुंगे र हजारी फुल भनेर पनि चिनिने सयपत्री फूलहरु खेतका गह्राभरि पहेलै फूलेका छन् । अब तिहार आउन केही दिन मात्र बाँकी हुँदा फूलैफूल फुलेका बारी देख्दा तिहार घरदेैलोमा नै भित्रीसके जस्तो महसुस हुन थालेको छ । तिहारमा दाजुभाई तथा दिदी बहिनीहरुका लागि सप्तरङ्गी टिका र सयपत्री फुलको मालाले बिशेष महत्व राख्ने भएकाले पनि यो समयमा गाउँघरहरुमा पनि थोरैधेरै सयपत्री फुलहरु फुलेका देखिन्छ । खास गरी तिहारमा घर सजाउन होस वा दाजुभाई पुजा गर्न सयपत्री फूल राम्रो मानिन्छ ।

प्यूठानको प्यूठान नगरपालिपका –२ की रेखा बिष्ट र प्यूठान नगरपालिका –४ की राधा अधिकारीले संयूक्त रुपमा २०७४ सालमा संयुक्त रुपमा सञ्चालन गरेको पुष्प नर्सरीमा यतिबेला विभिन्न जातका तरकारीका बेर्नासँगै ढकमक्क सयपत्री फुल फुलेका छन् । फर्ममा अहिले दुई जनाले तरकारीका बेर्ना उमार्ने,तरकारी खेति गर्नेदेखि लिएर पुष्प नर्सरी समेत सञ्चालन गर्दै आएका छन् । करिब ४ लाख लगानीमा पुष्प नर्सरी फर्म सुरु गरिएको उनीहरु बताउँछन् । जिल्लालाई धान्न सक्ने गरी फर्ममा पहिलेको भन्दा यसबर्ष धेरै क्षेत्रफलमा फूलहरु लगाएको पुष्प नर्सरी सञ्चालक राधा अधिकारीले बताईन् । पहिले जिल्लालाई धान्न मुस्किल हुन्थ्यो राधाले भनिन्, ‘त्यसैले अहिले केही बढाएर जिल्लालाई पु¥याउन सक्ने गरी फूल लगाएका छौ ।’ तिहारलाई लक्षित गरी यो बर्ष ५ रोपनीमा ५० हजारको फूल लगाएका छौ अर्की सञ्चालक रेखा बिष्टले भनिन् ‘अन्य समयमा फूलको खपत नहुने भएकाले तिहारलाई मात्र लक्षित गरेर फूल लगाएका हौ ।’

उनीहरुले पछिल्लो समय प्लाष्टिकका फूलहरु बजारमा किनेर लगाउने प्रचलन बढेकोे भन्दै प्लाष्टिकको माला भन्दा एउटा भएपनि फूलको थुंगाको माला लगाउन जोड दिएका छन् । बजारमा देखिने रंगीचंगी प्लाष्टिकका मालाको सट्टा स्थानीयस्तरमा नै फुलेका सयपत्री र मखमली फुलको प्रयोग गर्दा स्थानीय उत्पादनले बजार पनि पाउने र राम्रो सजावट पनि देखिने उनीहरुको बुझाई छ ।

अरु कृषि व्यवसायभन्दा फूल खेती अलि बढी चुनौतीपूर्ण काम भएको उनीहरु बताउँछन् । पुष्प नर्सरी जिल्लामा नै राम्रोसँग सञचालन गर्न सके बाह््य आयातलाई रोक्न सकिने र जिल्लाको पैसा बाहिर नजाने उनीहरु बताउँछन् । यसको लागि आवश्यक प्राविधिक देखि बिउ बिजन, फूल नर्सरीको लागि आवश्यक औजार लगायतका सामान जिल्लामै सहज रुपमा पाउने भए केही राहत मिल्ने उनीहरुको भनाई छ । बाह्य प्लाष्टिकजन्य बस्तुलाई निरुत्साहित गरी स्थानीय उत्पादनलाई प्राथमिकतामा राख्नका लागि स्थानीय सरकारले बिशेष पहल गर्नुपर्ने उनीहको माग छ ।