कार्तिक १७ प्यूठानमाझी साहित्य समूह, नेपालको आयोजनामा प्यूठानमा यही काक्तिक २० गते रचना वाचन एवं तिहारको अवसरमा शुभकामना आदान-प्रदान कार्यक्रम हुन लागेको छ । २०-२२ युवाहरू अभियन्ता रहेको यस समूहको यो पहिलो कार्यक्रम पनि हो ।
पछिल्लो समय प्यूठानको साहित्य, साहित्यिक गतिबिधी एवं साहित्य सम्बन्धमा बिचार, बिमर्श कम भइरहेको महशुस गरेर जिल्ला, जिल्ला बाहिर एवं रोजगारीको शिलशिलामा परदेसमा बस्ने २०-२२ युवा कबि एवं साहित्यकारहरूको समूहले माझी साहित्य समूह, नेपाल नाम दिएर यस्तो कार्यक्रम गर्न लागेको हो । घनश्याम अस्तित्व, यमुना मगर, सिताराम के.सी., तिलक अधिकारी, रमेश पोख्रेल, राज एकान्त, सौगात अधिकारी, राज अधिकारी, किस्बिन के.सी, सलिम अन्सारी, युवराज भण्डारी, महेश थापा, सन्तोस सफल प्रेमी, छबिलाल उत्सब, आशा वली, दोर्ण घर्तिमगर, श्यामकुमार क्षेत्री, लिला पुनमगर, भिम पुन, शिशिर के.सी., सिर्जु ठकुरी, केसबराज बसेल, युबराज दर्पण, रबिन श्रिपाली, माधब मगर, लक्ष्मी मगर, सि.टि. मगर, किरणरवी अधिकारी लगायत साहित्यका बिबिध बिधामा कलम चलाउने युवा साहित्यकारहरू यो समूहमा आबद्व हुनुहुन्छ ।
धेरै युवाहरू लेखनमा सक्रिय भइरहेको तर लेखनसंग सम्बन्धित आवश्यक गतिबिधिहरू प्यूठानमा शुन्य जस्तै अवस्थामा रहेको कारण यो समूहको आवश्यकता परेको समूहका अभियन्ता घनश्याम अस्तित्वले बताउनु भयो । राजधानी र प्यूठानको साहित्य जोड्नलाई यो समूहले पुलको काम गर्ने उहाँले बताउनुभयो ।उक्त कार्यक्रममा उपस्थित भइदिनुहुनका लागि पत्रकार, साहित्यकार, समाजसेवी, बुद्धिजिबी, जनप्रतिनिधी लगायत सबैलाई समूहका अभियन्ता घनश्याम अस्तित्वले आग्रह गर्नुभएको छ ।
